प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
सन्धिखर्क २७ जेठ – अर्घाखाँची जिल्लाको मालारानी गाउँपालिकामा चट्याङ्ग लागेर शनिवार एक युवकको मृत्यु भएको छ ।
मालारानी गाउँपालिकाको वार्ड नं–९, गोखुङ्गा पात्लेका १८ वर्षीय विकास थापा मोवाईल चार्जमा राखेर कुरा गरिरहेको अवस्थामा राति ११ः३० बजे चट्याङ्ग पर्दा बेहोस भएका थिए ।
राति नै अर्घाखाँची हस्पिटलमा ल्याईएका थापाको उपचारको क्रममा मृत्यु भएको जिल्ला प्रहरी कार्यालय अर्घाखाँचीले बताएको छ ।
यो मौसममा प्राय हावाहुरी, चट्याङ्ग पर्ने हुनाले यसबाट बच्न सावधानी अपनाउनु पर्छ ।
स्थानीय सूर्य माविबाट १२ कक्षाको परीक्षा दिएर बसेका विकास उनको सानी आमाको १४ वर्षीय छोरा नवीन हौजालीसंगै रहेको अवस्थामा त्यो घटना भएको थियो ।
‘दाइले फोनमा कुरा गरिरहनु भएको थियो । एक्कासि चट्याङ परेको आवाजसँगै दाइ वेहोस हुनुभयो, त्यसपछि मैले तुरुन्तै ठूली आमालाई खबर गरें,’ नवीन हौजालीले बताए ।