स्नातक पास गरेको छु, फर्केर नेपालमै काम गर्छु

माघ ५, २०७६ आइतबार १२:९:२१ | मेरो कथा मेरो भोगाई

जितेन्द्र कुमार महतो/महोत्तरी

मलेसिया, कतार, साउदी.. । गाउँमा सबैको मुखमा यिनै शब्द झुण्डिएका थिए । अहिले पनि छ । मलाई पनि एकपटक विदेश गएर हेरौँ न भन्ने लाग्यो । सन् २०१६ को डिसेम्बरमा म मलेसिया गएँ ।

बहिनीको बिहेमा दाइजो दिँदा लागेको केही ऋण थियो । त्यो तिर्नुपर्ने जिम्मेवारी हामी दाजुभाइकै थियो । हुन त त्यति पैसा नेपालमै पनि कमाउन सकिहाल्थेँ । तर त्यही हल्लाहल्लामै म विदेश गएँ ।

म मलेसियाको वेस्ट एण्ड डिजिटल स्याण्डिक्स कम्पनीमा गएको थिएँ । अहिले पनि त्यही कम्पनीमा नै काम गरिरहेको छु । सेल्सको काम हो । काम सजिलो छ । कमाइ पनि मासिक ८५ हजार नेपाली रुपैयाँ भन्दा बढी नै हुन्छ ।

आफूले चाहेको बेला घर आउन पाइन्छ । म अरुको देशमा आएर काम गरिरहेको छु भन्ने अनुभव नै हुन्न ।

यो दशैँमा छुट्टीमा घर आएको थिएँ । दुई महिना बसेँ । विस्तारै गाउँघरकै मायाले तान्न थाल्यो । फर्केर मलेसिया जानै मन लागेको थिएन । तर फर्किन्छु भनेर छुट्टीमा आएको मान्छे यतै बसेर त भएन नि । कम्पनीमा मेरो नराम्रो असर पर्छ ।

अहिलेसम्म कमाएको विश्वास टुट्छ । त्यही भएर पनि एकपटक जाउँ र दुई चार महिना बसेर कम्पनीको नियमअनुसार नै काम छाडेर नेपाल फर्कौं भन्ने भयो ।

घरबाट पनि अब देशमै केही काम गर भन्छन् । दाइले पनि अब यतै व्यवसाय गर भन्नुभएको छ । मेरो मनले पनि त्यही भन्छ ।

महोत्तरीको गौशालामा हामी दाजुभाइको जुत्ता पसल छ । अझै अरु दुई चार ठाउँमा यस्तै पसल खोल्ने सोच पनि छ । नभए पनि स्वास्थ्य विषयमा स्नातक गरेको छु । गाउँमै कामको अवसर त जति पनि पाइन्छ ।

विदेश गएर मनमा जागेको भूत मरिसक्यो । उमेर ३० वर्ष भइसक्यो । बिहे पनि गर्नुपर्छ । बिहे गरेपछि विदेश जाने कुरै भएन ।

अब केही गरिन्छ त देशमै गरिन्छ । विदेशमा जति राम्रो भए पनि घरगाउँमा जति राम्रो त कहाँ हुन्छ र ?

1 Comments

बिदुर थापा
Jan. 19, 2020, 6:44 p.m.
भाइकाे काम दाम दुबै राम्राे छ भनेकाे सुन्छु त्याे कम्पनि मा त काेरिया बराबर कमाइ हुन्छ रे अरु केहि समय बसेर पाे जाने हाे कि

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

स्नातक पास गरेको छु, फर्केर नेपालमै काम गर्छु

जितेन्द्र कुमार महतो/महोत्तरी

1 Comments

बिदुर थापा

तपाईको प्रतिक्रिया