मलेसियाबाट फर्किएका बुवाले निशानलाई दागबत्ती दिन सकेनन्

साउन २४, २०७५ बिहीबार १७:४८:५९ | मोहन पौडेल

काठमाडौं – आइतबार राती हत्या गरिएका भक्तपुरका निशान खड्काको बिहीबार अन्त्येष्टि गरिएको छ ।

वैदेशिक रोजागारीका क्रममा मलेसियामा रहेका निशानका बुवा गणेशबहादुर खड्का फर्किएपछि उनको बिहिबार पशुपति आर्याघाटमा अत्येष्टि गरिएको हो ।दिउँसो साढे १ बजे नै आउने भनिएपछि उहाँ दुई घण्टा ढिलो मात्रै आइपुग्नुभएको थियो । विमानस्थल आइपुगेका गणेशबहादुर सिधै छोराको अन्त्येष्टिका लागि पशुपति आर्यघाट पुग्नुभएको थियो ।

छोराको अनुहार हेर्दै भक्कानिएपछि उहाँले दागबत्ती दिन सक्नुभएन । छोरालाई दागबत्ती दिन नसकेर केही पर राखिएको बेञ्चमा बसेका गणेशबहादुरका हात बाउँडिएको थिए । छोरालाई पानी खुवाउना साथ उहाँलाई शवभन्दा टाढा नै राखिएको थियो ।

बुवाले दागबत्ती दिन नसकेपछि आफन्त र मलामीहरुले केहीबेर कसले दागबत्ती दिने भनेर छलफल गरेका थिए । निशानका हजुरबुवासँगै मावलका हजुरबुवा पनि नातिको अनुहार अन्तिम पटक हेर्न आर्यघाट आइपुग्नुभएको थियो ।

घरका व्यक्ति हुँदा हुँदै अरुले दागबत्ती दिन नहुने भनाई आएपछि जयबहादुर खड्काले नातिलाई दागबत्ती दिनुभयो । छोराको हत्याको खबर सुने लगत्तै कम्पनीमा बिदा पेसेका गणेशबहादुर बिहीबार मात्रै नेपाल आउनुभएको हो ।

मोहन पौडेल

मोहन पौडेलसँग भुटानी तथा तिब्बती शरणार्थीका विषयमा लामो समय रिर्पोटिंग गरेको अनुभव छ । उहाँ वैदेशिक रोजगारका विभिन्न पाटामा पनि कलम चलाउनु हुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)