वैदेशिक रोजगार प्रवर्द्धन बोर्डबाट १२ सय ५५ जनालाई छात्रवृत्ति

भदौ ७, २०७५ बिहीबार १७:९:५६ | उज्यालो सहकर्मी

काठमाडौं – गएको वर्ष वैदेशिक रोजगार प्रवर्द्धनबोर्डबाट १२ सय ५५ जनाले छात्रवृत्ति पाएका छन् ।

छात्रवृत्ति पाउनेमा वैदेशिक रोजगारीका क्रममा ज्यान गुमाएका, गम्भीर बिरामी परेका र अंगभंग हुन पुगेका कामदारका छोराछोरी हुन ।

सरकारले वैदेशिक रोजगारीका क्रममा ज्यान गुमाएका, गम्भीर बिरामी परेका र अंगभंग भएका कामदारका १२ कक्षासम्म पढ्ने छोराछोरीलाई छात्रवृत्ति दिने गरेको छ ।

एकदेखि आठ सम्मका विद्यार्थीलार्ई आठहजार र आठदेखि १२ कक्षासम्म पढ्ने विद्यार्थीलाई १२ हजार रुपैयाँ छात्रवृत्ति दिने गरिएको बोर्डले जनाएको छ ।

आर्थिक वर्ष २०६७/०६८ देखि २०७४/०७५ सम्ममा वैदेशिक रोजगारीका क्रममा विभिन्न देशमा पुगेका ५ हजार ८३२ जनाको ज्यान गएको छ भने ७ सय ८७ जना कामदार अंगभंग र विभिन्न रोग लागेर फर्किएका छन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)