किर्गिस्तानमा रहेका नेपालीलाई घरबाहिर ननिस्कन आग्रह

जेठ ६, २०८१ आइतबार ११:१:३७ | एजेन्सी

काठमाण्डौ – सरकारले किर्गिस्तानको राजधानी बिस्केक र वरपरको क्षेत्रमा रहेका नेपाली नागरिकलाई घरबाहिर ननिस्कन आग्रह गरेको छ । अस्ति शुक्रवार भएको हिंसात्मक आक्रमणपछि पाकिस्तानमा रहेको नेपाली राजदूतावासले सूचना निकालेर किर्गिस्तानमा रहेका नेपालीलाई घरभित्रै बस्न आग्रह गरेको हो । दूतावासकाअनुसार त्यहाँ रहेका सबै नेपाली सकुशल छन् ।

‘बिस्केकमा पछिल्ला केही दिनमा भएका घटनाका सन्दर्भमा झन्डै दुई सय ८० जनाको सङ्ख्यामा खासगरी बिस्केक र वरपर रहनुभएका नेपाली सकुशल रहेका र स्थिति सामान्य नहुञ्जेलसम्म निवास अर्थात् घरबाहिर ननिस्कन आग्रह छ,’ सूचनामा भनिएको छ ।

दूतावासले कुनै किसिमको समस्या परेमा स्थानीय नेपालीसँग वा इस्लामावादमा रहेको दूतावासको प्रत्यक्ष सम्पर्कमा रहन पनि अनुरोध गरेको छ । बिस्केकमा चिकित्साशास्त्र अध्ययन गरिरहेका भारत, बङ्गलादेश, पाकिस्तानलगायत देशका विद्यार्थी रहेको छात्रावासमा आक्रमण भएपछि दूतावासले यस्तो आग्रह गरेको हो ।

अन्तर्राष्ट्रिय सञ्चारमाध्यमकाअनुसार अहिले बिस्केकको अवस्था सामान्य नै छ । त्यहाँको परराष्ट्र मन्त्रालयले झुटा समाचार वा पोस्ट सामाजिक सञ्जालमार्फत प्रवाह नगर्न सबैमा आग्रह गरेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्