जापानको दक्षिणी क्षेत्रमा २ वटा शक्तिशाली भूकम्प, सुनामीको चेतावनी

साउन २४, २०८१ बिहीबार १८:३६:५७ | एजेन्सी

जापानको दक्षिणी क्षेत्रमा आज दुई वटा शक्तिशाली भूकम्प गएको छ । आज ६ दशमलव ९ र ७ दशमलव १ रेक्टर स्केलको भूकम्प गएको हो ।

अमेरिकी भाैगर्भिक सर्भे (यूएसजीएस) ले क्युशुको मियाजाकी क्षेत्रमा पहिलो भूकम्प ३३ किलोमिटर र दोस्रो १९ किलोमिटरको गहिराइमा गएको जनाएको छ । भूकम्पबाट मानवीय तथा भौतिक क्षति भए/नभएको कुनै पनि विवरण अहिलेसम्म प्राप्त भएको छैन ।

जापानको सञ्चारमाध्यम एनएचके वर्ल्डका अनुसार भूकम्पपछि त्यहाँको मौसम विभागले मियाजाकी, कोची, ओइटा, कागोशिमाजस्ता क्षेत्रमा सुनामीको चेतावनी दिएको छ । चेतावनीमा सुनामीको छाल पटक पटक आउन सक्छ, जोखिम टरेको अर्को सूचना नआएसम्म समुद्र र तटीय क्षेत्रमा नजान र अग्लो ठाउँमा सुरक्षित रहन भनिएको छ ।

भूकम्पपछि प्रधानमन्त्री फुमियो किसिदाले भूकम्पसम्बन्धी आवश्यक निर्देशन तथा सुनामी र स्थानान्तरणसम्बन्धी सही जानकारी नागरिकलाई समयमै उपलब्ध गराउन, थप क्षति हुन नदिन जतिसक्दो चाँडो अवस्थाको आँकलन गरी कदम चाल्न सम्बन्धित निकायलाई भन्नुभएको छ ।

जापान भूकम्पको अति जोखिम देश हो । त्यहाँ बारम्बार साना-ठूला भूकम्प गइरहन्छ ।

अन्तिम अपडेट: भदौ ३१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जापानको दक्षिणी क्षेत्रमा २ वटा शक्तिशाली भूकम्प, सुनामीको चेतावनी

फाइल फाेटाे

तपाईको प्रतिक्रिया