च्याम्पियन्स ट्रफी क्रिकेट खेल्न पाकिस्तान नजाने भारतको निर्णय

 कात्तिक २४, २०८१ शनिबार १६:५६:४२ | उज्यालो सहकर्मी
unn.prixa.net

तस्बिर : एजेन्सी

काठमाण्डौ – भारतले च्याम्पियन्स ट्रफी क्रिकेट खेल्न पाकिस्तान नजाने निर्णय गरेको छ । भारतीय क्रिकेट कन्ट्रोल बोर्ड बीसीसीआईले अन्तर्राष्ट्रिय क्रिकेट काउन्सिल आईसीसीलाई पत्र लेखेर सुरक्षाका कारण आफ्नो टोली पाकिस्तान जान नसक्ने जानकारी गराएको ईएसपीएन क्रिकइन्फोले जनाएको छ ।

भारत सरकारले नै बीसीसीआईलाई पाकिस्तान नजान सल्लाह दिएकोले यस्तो निर्णय भएको बीसीसीआईलाई उद्धृत गर्दै खबरमा उल्लेख छ । भारतको टोली पाकिस्तान नजाने भएपछि यसअघिको एशिया कपमा जस्तै हाइब्रिड मोडल अपनाउनुपर्ने भएको छ । भारतले खेल्ने खेलहरु यूएई वा श्रीलङ्का जस्तै अरू देशमा खेलाउनुपर्नेछ । तर पाकिस्तानले हाइब्रिड मोडल अस्वीकार गरिसकेको छ ।

पाकिस्तान क्रिकेट बोर्ड पीसीबीका अध्यक्ष मोहसिन नकवीले हिजो मात्रै हाइब्रिड मोडेल प्रयोग गर्न अस्वीकार गरेका थिए । आठ टोलीले खेल्ने च्याम्पियन्स ट्रफी आउँदो वर्ष सन् २०२५ को १९ फेब्रुरुअरीदेखि ९ मार्चसम्म पाकिस्तानका तीन वटा स्टेडियममा खेलाउने तालिका छ ।

यसअघि भारतमा भएको एकदिवशीय विश्वकपमा पाकिस्तान सहभागि भए पनि गएको वर्ष पाकिस्तानमा भएको एशिया कपमा भारत पाकिस्तान गएको थिएन । एशिया कपका धेरैजसो खेल श्रीलङ्कामा भएका थिए ।

च्याम्पियन्स ट्रफी प्रतियोगितामा अफगानिस्तान, अष्ट्रेलिया, बङ्गलादेश, इङ्गल्यान्ड, भारत, न्युजिल्यान्ड, पाकिस्तान र दक्षिण अफ्रिका रहेका छन् । राजनीतिक सम्बन्धका कारण भारतले २००८ को एशिया कपपछि पाकिस्तानको भ्रमण गरेको छैन ।  

अन्तिम अपडेट: पुस ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

एनपीएलको सर्वोत्कृष्ट नेपाली खेलाडी दीपेन्द्रले पाए कार

२

नेपालमा जस्तो आतिथ्यता र क्रिकेट समर्थक संसारमा अन्त कतै देखिएन : जिमी निशम

३

सुदूरपश्चिमलाई ५ विकेटले हराउँदै जनकपुरलाई एनपीएलको उपाधि

४

आईसीसीको पूर्ण सदस्य राष्ट्र बन्नका लागि चाहिने मापदण्डहरूअनुसार काम गरिरहेका छौँ

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई