श्रीलङ्काका सांसदले विलासी गाडी किन्न नपाउने

मंसिर ८, २०८१ शनिबार १८:१८:१६ | एजेन्सी

श्रीलङ्का सरकारले हरेक सांसदलाई इन्धन किफायती गाडी दिने भएको छ । सांसदहरूलाई विलासी र महँगा गाडी किन्न रोक लगाउँदै सरकार आफैँले सस्ता तर इन्धन किफायती गाडी दिने निर्णय गरेको चिनियाँ समाचार संस्था सिन्ह्वाले जनाएको छ ।

सार्वजनिक सुरक्षा तथा संसदीय मामिलामन्त्री आनन्द विजेपालाले सांसदहरूले आफ्नै खर्चमा पनि विलासी गाडी किन्न नपाउने बताउनुभएको छ । करको पैसालाई प्रभावकारी तरिकाले प्रयोग गर्नका लागि यस्तो निर्णय लिइएको भन्दै उहाँले सरकारले खर्च कम गर्न थुप्रै सुधारहरू थाल्ने बताउनुभएको खबरमा उल्लेख छ । सरकारले दिएका गाडी सांसदहरूले आफ्नो कार्यकालभित्र मात्रै प्रयोग गर्न पाउनेछन् ।

श्रीलङ्काले यसअघि हरेक सांसदलाई भन्सार शुल्क नलगाई विलासी गाडी आयात गर्ने र स्वामित्व लिने अवसर दिएको थियो । तर अहिले निर्वाचित भएको कम्युनिस्ट बहुमत सरकारले यस्ता सुविधा र छुट नदिने बताएको छ ।

राष्ट्रपति अनुरा कुमारा दिशानायकेले पहिलेको सरकारले दिएका अनावश्यक छुटलाई हटाउने अभियान चलाउनुभएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

श्रीलङ्काका सांसदले विलासी गाडी किन्न नपाउने

साङ्केतिक तस्वीर

तपाईको प्रतिक्रिया