पालिका उपचुनावको अन्तिम परिणाम : कहाँ, कुन पार्टीले जिते ? (सूचीसहित)

मंसिर १८, २०८१ मंगलबार ७:३२:११ | उज्यालो सहकर्मी

काठमाण्डौ – पालिका उपचुनावको मतगणना सकिएको छ । पालिकाका रिक्त विभिन्न ४२ पदका लागि उपचुनावको सबै नतिजा आएको छ । एक मेयर, एक उपमेयर, दुई अध्यक्ष, चार उपाध्यक्ष, र ३४ वटा वडाध्यक्षको नतिजा सार्वजनिक भएको हो ।

४२ पदमध्ये समग्रमा नेपाली कांग्रेसले १७ पद, माओवादीले ११ पद र एमालेले आठ पद जितेका छन् । एउटा मेयर पदको उपचुनाव अर्थात् काठमाण्डौको कीर्तिपुरमा कांग्रेसले जितेको छ । एउटा उपमेयरको लागि भएको चुनाव अर्थात् जाजरकोटको नलगाडमा माओवादीले जितेको छ ।

गाउँपालिकाका दुई अध्यक्षको लागि भएको भएको उपचुनावमा दैलेखको महाबु गाउँपालिकामा एमालेका जंगबहादुर शाही र मोरङको ग्रामथानमा माओवादी केन्द्रका नमोनारायण माझी विजयी हुनुभएको छ ।

चार उपाध्यक्षमध्ये हुम्लाको सर्केगाड र रुकुमको पुथा उत्तरगंगामा माओवादी तथा बाजुराको स्वामीकार्तिक र दोलखाको गौरीशंकरमा एमालेका उम्मेदवार विजयी भएका छन् ।

यस्तै, रिक्त रहेका ३४ वडाध्यक्षमध्ये कांग्रेसले १६, माओवादी केन्द्रले निर्विरोधसहित सात, एमालेले पाँच, जसपा नेपालले दुई, रास्वपाले एक, एकीकृत समाजवादीले एक, नेमकिपाले एक र स्वतन्त्र उम्मेदवारले एक ठाउँमा जितेका छन् ।

कांग्रेसले जितेका क्षेत्र निम्न छन् :
मेयर –
कीर्तिपुर नगरपालिका – कृष्णमान डंगोल (०७९ मा कांग्रेसले जितेको )
वडाहरू –
१. कीर्तिपुर नगरपालिका –१, इच्छा कुमार महर्जन । (०७९ मा कांग्रेसले जितेको)
२. हेटौँडा उपमहानगरपालिका – १२, अर्जुनप्रसाद तिवारी । (०७९ मा माओवादीले जितेको)
३. कञ्चनपुरको भीमदत्त नगरपालिका – ६, प्रकाश चन्द । (०७९ मा कांग्रेसले जितेको)
४. तेह्रथुमको लालिगुराँस नगरपालिका – ८, नगेन्द्र लिम्बु । (०७९ मा कांग्रेसले जितेको)
५. सुनसरीको गढी गाउँपालिका – ६, तेतर साहु । (०७९ मा एमालेले जितेको)
६. रोल्पाको रुन्टीगढी गाउँपालिका – ४, भुपमणि पुन मगर । (०७९ मा कांग्रेसले जितेको)
७. बर्दियाको ठाकुरबाबा नगरपालिका – ४, अमिन थारु । (०७९ मा कांग्रेसले जितेको)
८. रौतहटको राजपुर नगरपालिका – ६, समसे आलम । (०७९ मा कांग्रेसले जितेको)
९. गुल्मीको मुसिकोट नगरपालिका– १, आनन्द श्रेष्ठ । (०७९ मा कांग्रेसले जितेको)
१०. रौतहटको इशनाथ नगरपालिका – ७, शेख अब्दुल खलिक । (०७९ मा एमालेले जितेको)
११. डोटीको पूर्वीचौकी गाउँपालिका – ६, मोहन थापा । (०७९ मा कांग्रेसले जितेको )
१२. रुकुम पश्चिमको सानीभेरी गाउँपालिका – ५, मोतीराम खत्री । (०७९ मा कांग्रेसले जितेको)
१३. जाजरकोटको कुशे गाउँपालिका–७, खम्बबहादुर सिंह । (०७९ मा माओवादीले जितेको)
१४. दार्चुलाको दुहुँ गाउँपालिका – ५, धनबहादुर कुँवर । (०७९ मा माओवादीले जितेको)
१५. बझाङको सूर्मा गाउँपालिका – ४, धिरेन्द्र पूजारा । (०७९ मा एमालेले जितेको)
१६. कीर्तिपुर नगरपालिका – ४, राजेन्द्र बानियाँ । (०७९ मा स्वतन्त्रले जितेको)

माओवादीले जितेका पालिककाहरू :

१. मोरङको ग्रामथान गाउँपालिका अध्यक्ष – नमोनारायण माझी । (०७९ मा कांग्रेस विजयी)
२. जाजरकोटको नलगाड नगरपालिका उपमेयर – देवका लामिछाने । (०७९ मा कांग्रेस विजयी)
३. रुकुमको पुथा उत्तरगंगा गाउँपालिका उपाध्यक्ष–नरपुरा बुढा । (०७९ मा माओवादी विजयी)
४. हुम्लाको सर्केगाड गाउँपालिका उपाध्यक्ष– देवकी तिमिल्सना । (०७९ मा माओवादी विजयी)
वडाहरू –
१. उदयपुरको त्रियुगा नगरपालिका – १२, नविनकुमार वान्तवा राई । (०७९ मा कांग्रेसले जितेको)
२. उदयपुरको बेलका नगरपालिका– ९ भरत घिमिरे । ( ०७९ मा कांग्रेस विजयी)
३. नुवाकोटको ककनी गाउँपालिका – २, कृष्ण घिमिरे (मिलन) । (०७९ मा कांग्रेसले जितेको)
४. धनुषाको धनुषाधाम नगरपालिका – १, सुनिल कापर केवट । (०७९ मा कांग्रेसले जितेको)
५. गोरखा नगरपालिका – ५, विष्णुबहादुर रानामगर । (०७९ मा एमालेले जितेको)
६. डोल्पाको त्रिपुरासुन्दरी – ५, नरबहादुर झाक्री । (०७९ मा एमालेले जितेको)
७. रुकुमको पुथा उत्तरगंगा–२, जगत घर्ती (निर्विरोध) । (०७९ मा माओवादीले जितेको)

एमालेले जितेका पालिकाहरू :

१. दैलेखको महाबु गाउँपालिका अध्यक्ष– जंगबहादुर शाही । (०७९ मा कांग्रेसले जितेको)
२. बाजुराको स्वामीकार्तिक गाउपालिका उपाध्यक्ष– सुलोचना भण्डारी। (०७९ मा कांग्रेसले जितेको )
३. दोलखाको गौरीशंकर गाउँपालिका उपाध्यक्ष– उमा मगर शेर्पा । (०७९ मा कांग्रेसले जितेको )

एमालेले जितेका वडाहरू –

१. कपिलवस्तुको शुद्धोधन गाउँपालिका – १, मोहमद ताहिर मुसलमान । (०७९ मा कांग्रेसले जितेको)
२. दैलेखको दुल्लु नगरपालिका – १, लालबहादुर शाही । (०७९ मा एमालेले जितेको)
३. ताप्लेजुङको सिरिजङ्गा गाउँपालिका – ३, कुमारी सावादेन । (०७९ मा कांग्रेसले जितेको )
४. महोत्तरीको रामगोपालपुर नगरपालिका – २, सकिबुल खाँ । (०७९ मा माओवादीले जितेको)
५. ओखलढुङ्गाको मोलुङ गाउँपालिका – ५, गङ्गाबहादुर तामाङ । (०७९ मा एमालेले जितेको)

रास्वपाका उम्मेदवार विजयी भएको वडाहरू :

१. काठमाण्डौ महानगरपालिका – १६, रोजिना श्रेष्ठ । (०७९ मा कांग्रेसले जितेको)

जसपा नेपालका उम्मेदवार विजयी भएका वडा :

१. सप्तरीको डाक्नेश्वरी नगरपालिका – १, धिरेन्द्रकुमार साह । (०७९ मा कांग्रेसले जितेको)
२. सप्तरीको डाक्नेश्वरी नगरपालिका – ४, देवेन्द्रप्रसाद यादव । (०७९ मा कांग्रेसले जितेको)

एकीकृत समाजवादीका उम्मेदवार विजयी भएको वडा :

१. रौतहटको गढीमाई नगरपालिका – ८, बजरङ्गीप्रसाद यादव । (०७९ मा जसपाले जितेको)
नेमकिपाका उम्मेदवार विजयी भएको वडा :

१. कालीकोटको तिलागुफा गाउँपालिका – ४, खड्कराज शाही । (०७९ मा माओवादीले जितेको)

स्वतन्त्र उम्मेदवार विजयी भएको वडा :

१. झापाको कन्काई नगरपालिका – ६, लक्ष्मीप्रसाद ओली । (०७९ मा एमालेले जितेको)

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्