गाजापट्टीमा रहेका ३३ जना इजरायली बन्धकहरू मारिएका हमासद्वारा जानकारी

मंसिर १८, २०८१ मंगलबार ९:२९:४८ | एजेन्सी

प्यालेस्टाइनको विद्रोही समूह हमासले गाजापट्टीमा रहेका ३३ जना इजरायली बन्धकहरू मारिएका जनाएको छ । आफूहरुले बन्धकहरुलाई सुरक्षित राख्ने कोसिस गरे पनि इजरायली आक्रमणकै कारण ३३ जना इजरायली मारिएका र केही हराइरहेको हमासले दाबी गरेको छ ।

हमासले इजरायली आक्रमणबाट बन्धकहरु मारिएको भिडियो फुटेज पनि सार्वजनिक गरेको छ । केही भिडियोमा बन्धकहरुले घरपरिवारलाई आफ्नो अन्तिम सन्देश पठाएको सुनिन्छ । गाजामा इजरायली प्रधानमन्त्री बेन्जामिन नेतान्याहुको निरन्तर नरसंहारको कारण थप बन्धकहरु पनि मारिने सम्भावना रहेको हमासले चेतावनी दिएको छ ।

युद्ध रोक्ने निर्णयबारे धेरै ढिलो नगर्न हमासले नेतान्याहुलाई सुझाव दिएको छ । हमासले अस्ति एक जना बन्धकको भिडियो सार्वजनिक गरेको थियो ।

भावनात्मक तनावका कारण धेरै पटक बोल्न रोकिएका इदान अलेक्जेन्डरले आफू ४ सय दिनभन्दा बढी समयदेखि बन्दी अवस्थामा रहेको बताउँदै इजरायली सरकार र अमेरिकी राष्ट्रपतिमा निर्वाचित डोनाल्ड ट्रम्पलाई गाजामा रहेका बाँकी बन्धकहरूको रिहाई सुनिश्चित गर्न आग्रह गर्नुभएको छ ।

गएको वर्षको अक्टोबरमा हमासले इजरायलमा आक्रमण गर्दा १२ सय जनाको ज्यान गएको थियो भने २ सय ५० जनालाई बन्धक बनाएको थियो । त्यसको जवाफमा इजरायलले गाजा ध्वस्त हुनेगरी आक्रमण गर्दा झण्डै ४५ हजार जनाको ज्यान गइसकेको छ ।

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गाजापट्टीमा रहेका ३३ जना इजरायली बन्धकहरू मारिएका हमासद्वारा जानकारी

तस्बिर : एजेन्सी

तपाईको प्रतिक्रिया