चितवन टाइगर्सलाई ४ विकेटले हराउँदै भैरहवा ग्लाडियटर्स ईपीएलको क्वालिफायर्समा

पुष ४, २०७५ बुधबार १६:२८:३३ | उज्यालो सहकर्मी

काठमाडौं – चितवन टाइगर्सलाई ४ विकेटले हराउँदै भैरहवा ग्लाडियटर्स एभरेष्ट प्रिमियर लिगको क्वालिफायर्समा पुगेको छ ।

कीर्तिपुर क्रिकेट मैदानमा टस हारेर ब्याटिङको निम्तो पाएको चितवनले २० ओभरमा आठ विकेट गुमाउँदै एक सय ३९ रन बनायो । १८ रनमा पहिलो विकेट गुमाएको चितवनको २४ रन हुँदा तेस्रो विकेट झर्यो । उसका कुनै पनि खेलाडीबीच राम्रो साझेदारी हुन सकेन । उसले ७५ रन बनाउँदा ५ विकेट गुमाउन पुग्यो । पल स्टर्लिङ १४ रनमा आउट भए भने जोन सिम्पसन पनि १४ रनमा नै पेभेलियन फर्किए । यस्तै भिम सार्की र जर्ज स्कट पनि नौ–नौ रनमा आउट भए । चितवनका लागि दिपेन्द्रसिंह ऐरीले अर्धशतकीय पारी खेले । उनले ५६ रन बनाए । कमलसिंह ऐरीले १३ रन बनाए ।

बलिङमा मोहम्मद नाभिदले तीन तथा अभिनाश बोहराले दुई विकेट लिए ।

जवाफमा भैरहवाले १८ ओभर दुई बलमा ६ विकेट गुमाउँदै लक्ष्य पूरा गर्यो । भैरहवाले २० रन बनाउँदा उसका तीन खेलाडी आउट भए । उसका लागि मोहम्मद नाभिद र रविइन्दर सिंह मात्र चार–चार रनमा आउट भए भने रायन टेन डोइच्टेले खाता खोल्न सकेनन् । त्यसपछि प्रदिप ऐरी र कप्तान शरद भेषावकरबीच चौथो विकेटका लागि ५६ रनको साझेदारी भएपछि टिम केही सम्हालिएको थियो । तर ऐरी ४२ रनमा आउट हुँदा उसले ७६ रनमा चौथो विकेट गुमायो । त्यसपछि उसले अरु दुई विकेट सस्तैमा गुमायो । शरद २९ तथा आरिफ शेख मात्र ६ रनमा आउट भए ।

अन्तिममा कुशल मल्ल र रोहिकुमार पौडेलले बलियो साझेदारी गर्दै टिमलाई जित दिलाए । रोहितले २४ तथा कुशलले २७ रन बनाए । अब फाइनल प्रवेशका लागि भैरहवाले काठमाडौंसँग खेल्नेछ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्