एभरेष्ट प्रिमियर लिगको दोस्रो क्वालिफायरमा काठमाडौं र भैरहवा खेल्दै

पुष ५, २०७५ बिहीबार ७:१९:११ | उज्यालो सहकर्मी

एभरेष्ट प्रिमियर लिग अन्तर्गत दोस्रो क्वालिफायरमा बिहीबार काठमाडौं किंग्स् इलेभेन र भैरहवा ग्लाडिटर्स खेल्दैछन् ।

कीर्तिपुर मैदानमा हुने यो खेल बिहान साढे एघार बजे सुरु हुनेछ । पहिलो क्वालिफायरमा जित हात पारेको भैरहवा ग्लाडियटर्स र प्लेअफमा पराजित काठमाडौंबीचको विजेताले उपाधिका लागि ललितपुर प्याट्रियोट्ससँग खेल्नेछ ।

बुधबार भएको खेलमा भैरहवाले चितवनलाई चार विकेटले हराएको थियो । यसअघि लिग चरणको खेलमा काठमाडौंले भैरहवालाई सात विकेटले हराएको थियो । भैरहवाले दिएको १५० रनको लक्ष्य काठमाडौंले पाँच बल बाँकी छँदै मात्र तीन विकेट गुमाएर पूरा गरेको थियो । जुन खेलमा अमित श्रेष्ठले अर्धशतकीय योगदान दिए ।

भैरहवाले दिएको लक्ष्य भेटाउनका लागि रोहन मुस्ताफा र केभिन ओ ब्राइनले पनि राम्रो ब्याटिङ गरेका थिए । भोलीको खेलमा पनि अमित, मुस्ताफा, ओ ब्राइनको प्रदर्शन महत्वपूर्ण रहनेछ । बलिङतर्फ भारतीय खेलाडी प्रदीप साहु र केभिन ओ ब्राइनको प्रदर्शनमा काठमाडौं निर्भर रहनेछ ।

तर सोमपाल कामीको इन्ज्युरी भने काठमाडौंलाई महँगो पर्न सक्नेछ । यता भैरहवाको भविष्य रवि इन्दर सिंहको ब्याटिङ्मा निर्भर रहनेछ । प्रतियोगितामा एउटा शतकसहित २७७ रन बनाएका रवि उत्कृष्ट फर्ममा छन् । भैरहवाको जितमा उनको ब्याटिङ महत्वपूर्ण रहँदै आएको छ । त्यसबाहेक नेदरल्याण्डका खेलाडी रायन टेन डोस्चेटको प्रदर्शन पनि महत्वपूर्ण रहनेछ ।

बलिङमा भने भैरहवाका मोहम्मद नभिद र अविनाष बोहरा राम्रो फर्ममा देखिएका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्