‘प्रोजेक्ट कतार एक्जिविसन’मा पहिलो पटक नेपाली ब्राण्ड

वैशाख २६, २०७५ बुधबार १२:२७:५८ | उज्यालो सहकर्मी

महेश्वर नेपाल/उज्यालो ।

कतार, वैशाख २५ – यहाँ व्यवसाय गरेर बसेका नेपाली युवाले ‘प्रोजेक्ट कतार एक्जिविसन’मा आफ्नो ब्रान्ड राखेका छन् ।

एक्जिविसनमा अन्तर्राष्ट्रिय बजारमा स्थापित बनिरहेको, स्थानीय कम्पनी र विश्वभर रहेका प्रख्यात कम्पनीले आफ्ना नयाँ सामान र ब्राण्डको प्रदर्शन गरेका छन् । कतारमा नेपाली व्यवसायीले आफ्नो ब्राण्ड प्रर्दशनी राखेको यो पहिलो पटक हो । प्रदर्शनीमा एक हजार भन्दा धेरै स्टल छन् ।

धनुषाको बेला गाउँका तीन दाजुभाई अब्दुल वासिद, अब्दुल हाफिज र अब्दुल कदिरले आफू जन्मेको गाउँ बेलाको नाममा ब्रान्ड बनाएर कतारमा व्यवसाय गर्दै आएका छन् । सन् २०११ देखि उनीहरुले कतारमा व्यवसाय सुरु गरेका हुन् । उनीहरुले अब्दुल हाफिज ट्रेडिङ एन्ड कन्ट्रयाक्ट्रि कम्पनी स्थापना गरेर एयर कन्डिसन, कुलर, आउट डोर फ्यान, कपर पाइप लगायतका सामग्रीको व्यापार गर्छन् ।

बेलायतमा समेत व्यवसाय बिस्तार गरेका यी नेपाली दाजुभाइले ‘बेलाको र किंग कुल यूएसए’ ब्राण्ड कतारमा अब्दुल हाफिज ट्रेडिङ एण्ड कन्ट्रयाक्टिङ मार्फत उत्पादन र वितरण गरिरहेका हुन् ।

‘हामी अहिले अमेरिकाको बजार अनुसन्धान गर्दैछौं,’ अब्दुल कादिरले भन्नुभयो, ‘छिट्टै अमेरिकामा हाम्रो व्यवसाय सञ्चालनमा आउने छ ।’ नेपालमा इकोनोमिक जोन बनाएर लगानीको वातावरण तयार पारिदिए उद्योग खोलेर नेपालमा बनेको ब्राण्डलाई विश्व बजारमा पुर्‍याउने लक्ष्य रहेको उहाँले बताउनुभयो ।

कतारको बजारमा त हाम्रो ब्राण्ड अन्य देशको ब्राण्डको प्रमुख प्रतिस्पर्धी बन्न सफल भएको छ,’ अब्दुल बासिदले भन्नुभयो, ‘मध्यपूर्व एसियाको बजारको उच्च माग र विक्री बजारको अध्ययन गरेर बेलाको ब्राण्ड पुर्‍याउने छौं ।’ अब्दुल बासिद एनआरएन आइसिसीको सामाजिक उद्यमशीलता विकास समितिको मध्यपूर्व संयोजक समेत हुनुहुन्छ ।

अन्तिम अपडेट: पुस १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्