दाङ बस दुर्घटनाका घाइतेलाई काठमाडौं लगियो

पुष ७, २०७५ शनिबार १८:३५:५२ | गोविन्द शर्मा

बाँके – दाङमा शुक्रबार साँझ भएको दुर्घटनाका घाइते भएकामध्ये १२ जनालाई थप उपचारका लागि काठमाडौं लगिएको छ ।

इलाका प्रहरी कार्यालय कोहलपुर बाँकेका अनुसार नेपालगञ्ज शिक्षण अस्पतालमा उपचार गराइरहेकामध्ये १२ जनालाई शनिबार हेलिकप्टरमार्फत काठमाडौं लगिएको हो । प्रहरी निरीक्षक मानबहादुर बिसीका अनुसार अब दाङ दुर्घटनाक घाइतेमध्ये नेपालगञ्ज शिक्षण अस्पताल कोहलपुर र नेपालगञ्जमा दुईजना घाइतेको उपचार भइरहेको छ ।

दुर्घटनामा घाइते भएका १५ जनालाई उपचारका लागि नेपालगञ्ज ल्याइएकोमा एकजनाको उपचारकाक्रममा ज्यान गएको प्रहरीले जनाएको छ । दाङको घोराहीमा रहेको कृष्णसेन इच्छुक बहुप्राविधिक शिक्षालयका विद्यार्थी चढेको बस दुर्घटना हुँदा २३ जनाको मृत्यु भएको थियो ।

सल्यानको कपुरकोटस्थित मुलपानी वनस्पति उद्यानको अवलोकन गरी फर्कंदै गर्दा तुलसीपुर–सल्यान सडकखण्डको तुलसीपुर उपमहानगरपालिका वडा नम्बर–३, राम्रीमा शुक्रबार साँझ बस दुर्घटना भएको थियो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दाङ बस दुर्घटनाका घाइतेलाई काठमाडौं लगियो

फाइल तस्बिर

तपाईको प्रतिक्रिया