फ्रान्सविरुद्ध अष्ट्रेलिया : एकातिर स्टारै स्टार अर्कातिर मूय र केहिल

 असार २, २०७५ शनिबार १४:३१:३८ | उज्यालो सहकर्मी

अष्ट्रेलियाका भेट्रान स्ट्राइकर टिम केहिल फ्रान्सविरुद्धको सुरुवाती खेलसँगै विश्वकपमा अर्को इतिहास कायम गर्न चाहन्छन् । र, त्यसका लागि उनी तयार छन् ।

यस विश्वकपमा गोल गर्न सकेको अवस्थामा उनी लगातार चार विश्वकपमा गोल गर्ने पाँचौं खेलाडी हुनेछन् । यसअघि ब्रजिलका सर्वकालीन महान खेलाडी पेले,  जर्मनीका मिरोस्लाभ क्लोस, उवे सीलर र पोर्चुगलका क्रिश्टियानो रोनाल्डोले मात्रै लगातार चार विश्वकपमा गोल गर्न सकेका छन् ।

विश्वस्तरमा अघि बढिरहेको अष्ट्रेलियाली फुटबल टिम केहिलको प्रेरणामा छ । तर, केहिलले यो विश्वकप नै आफ्नो करिअरको अन्तिम प्रतियोगिता हुने घोषणा गरिसकेका छन् ।

शनिबार फ्रान्सविरुद्ध हुने विश्वकपको समूह सीको पहिलो खेलअघिको पत्रकार सम्मेलनमा अष्ट्रेलियाली टोलीका कप्तानसमेत रहेका केहिलले भने, ‘विश्वकप भनेको ड्रेस रिहर्सल होइन, यो ठूलो नृत्य हो । यो यस्तो ठाउँ हो जहाँ तपाईंले एक कदम अघि रहेर खेल्नुपर्छ ।’

पेले, क्लोज र सीलरको दर्जामा पुग्ने सम्भावनाबारे उनले भने, ‘म यो स्तरमा पुग्नका लागि धेरै संघर्ष गरेको थिएँ । प्लेइङ सेटमा पर्न अझ धेरै गरेँ र गोल गर्न त्यो भन्दा पनि धेरै संघर्ष गरेँ । र, ती नामहरुको सूचिमा पुग्नु भनेको अमुूल्य हुन्छ, जुन म कल्पना मात्र गर्न सक्छु ।’

एकातर्फ केहिल आफ्नो करिअरको उत्तरार्धतिर हुँदा रुसका काजान एरिनामा फ्रान्सेली टोलीमा विश्वस्तरीय युवा खेलाडीको जमघट हुनेछ । जसको नेतृत्व किलियान एमबाप्पे र ओसमान डेम्बेलेले गर्नेछन् ।

डिडियर डेसच्याम्पको नेतृत्वमा फ्रान्सेली फुटबलले क्रम्शः प्रगति गर्दैछ । दुई वर्षअघि युरो कप फाइनलमा घरेलु मैदानमा पराजित भएको फ्रान्सले रुसमा अपेक्षाकृत प्रदर्शन गर्न नसके सन् २०२२ मा गर्नेछ ।

तर, फ्रान्सेली फुटबल संघका अध्यक्ष नोयल ली ग्रेटले एक नयाँ र उत्साहित टोलीलाई हौसला प्रदान गरेका छन् । जो अघिल्लो जेनेरेसनले हासिल गर्न नसकेको सफलताप्रतिको झुकाव हुनेछ ।

‘जब हामीसँगको युवा खेलाडीको सङ्ख्या हेर्नुहुन्छ तब फ्रान्स एक उत्कृष्ट टिम रहेकोमा शंका हुँदैन ।’ अध्यक्ष ग्रेटले भने, र, जब तपाईं मिडियासँगको कुराकानीमा एम्बाप्पेको जवाफमा अतुलनीय परिपक्वता देख्नुहुन्छ यो असाधारण छ ।’

‘जब खेलाडी राष्ट्रिय टोलीमा हुन्छ उ अनुकरणीय तरिकाले व्यवहार गर्छ । परिवर्तन स्पष्ट देखिएको छ किनभने डेसच्याम्पले परिस्थितिलाई अनुकरणीय बनाउन निकै प्रयास गरेका छन् ।’
एमबाप्पे चोटका कारण मंगलबारको प्रशिक्षण सत्रमा उपस्थित थिएनन् । तर, २४ घण्टाको समयमा उनले आफूलाई शतप्रतिशत फिट बनाएका छन् । र उनी आजको खेलमा प्लेइङ सेटमा रहने अपेक्षा गरिएको छ ।

प्लेयर्स टू वाच
एन्टोइन ग्रिजम्यान, फ्रान्स

एट्लेटिको मड्रिडका स्टार आगामी सिजन बार्सिलोना जाने चर्चा चलिरहेको छ । यद्यपी पारिवारिक दवावका कारण उनी बार्सिलोना नजाने कुराहरु पनि आएका छन् । तर, आफ्नो ट्रान्सफरको कुरामा भन्दा पनि ग्रिजम्यान अहिले फ्रान्सेली टिमको राम्रो प्रदर्शनमा केन्द्रित हुनेछन् ।

फ्रान्सलाई सन् २०१६ को युरोमा फाइनलसम्म पुर्याउने ग्रिजम्यान यस सिजन पनि निक्कै राम्रो लयमा छन् । उनकै प्रेरणामा एट्लेटिकोले यस सिजन युरोपा लिग जितेको थियो ।

मार्सेलीविरुद्धको फाइनलमा उनले ३ गोल गरेका थिए । काउन्टर एट्याकमा उनको क्षमता अतुलनीय छ र फ्रान्सले उनीबाट त्यस्तै अपेक्षा पनि गरेको छ ।

सन् २०१४ मा फ्रान्सेली टोलीमा डेब्यू गरेयता उनले ५४ खेलमा २० गोल गरेका छन् । सन् २०१४ को विश्वकपका ५ खेलमा उनले गोल गर्न सकेका थिएनन् । रुसमा गोल गरी उनी विश्वकपमा गोलको खाता खोल्न चाहन्छन् ।

टिम केहिल, अष्ट्रेलिया

अष्ट्रेलियाली टोलीका मुख्य हतियार टिम केहिल नै हुन सक्छन् । तर, हर्डर्स्फिल्ड टाउनका मिडफिल्डर अाराेन मूय राष्ट्रिय टोलीबाट विपक्षीका लागि खतरनाक बन्न सक्छन् । २७ वर्षीय मूयले हडर्स्फिल्ड टाउनलाई प्रिमियर लिगको रेलिगेसनबाट जोगाउन उत्कृष्ट प्रदर्शन गरेका थिए ।

राष्ट्रिय टोलीबाट सन् २०१२ मा डेब्यू गरेयता उनले ३४ खेलमा ५ गोल गरेका छन् ।
 

अन्तिम अपडेट: मंसिर ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

अलैंचीको मूल्य उच्च विन्दूमा, ४० किलाेकाे एक लाख सात हजार रुपैयाँ

२

११ वटा एयरलाइन्सले हवाई भाडादरको विवरण बुझाए

३

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

४

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई