अष्ट्रेलियाविरुद्धको दोस्रोे एकदिवसीय खेलमा इंग्ल्याण्ड विजयी

असार ३, २०७५ आइतबार ८:०:४२ | उज्यालो सहकर्मी

अष्ट्रेलियाविरुद्धको दोस्रोे एकदिवसीय खेलमा इंग्ल्याण्ड विजयी भएको छ । ज्यासन रोयले शतकीय योगदान दिएपछि इंग्ल्याण्डले घरेलु टिमलाई ३८ रनले हरायो । जितसँगै इंग्ल्याण्डले ५ एकवदवशीय श्रृङ्खलामा २–० को अग्रता लिएको छ ।

ज्यासन रोयले १२० रनको योगदान दिँदा ओइन मोर्गनको अनुपस्थितिमा टिमको नेतृत्व गरेको जोस बट्लरले ७० बलमा ९१ रनको अविजित योगदान दिए । टस हारेर ब्याटिङको निम्तो पाएको इंग्ल्याण्डले ५० ओभरमा ८ विकेट गुमाउँदै ३४२ रनको योगफल तयार पारेको थियो ।

रोयले १०८ बलमा १२ चौका र २ छक्का प्रहार गरे । यस्तै बट्लरले ८ चौका र २ छक्का प्रहार गरेका थिए । जोनी बेइस्र्टले पनि २४ बलमा ८ चौका र एक छक्का प्रहार गर्दै ४२ रन जोडेका थिए । बलिङ तर्फ अष्ट्रेलियाका जेई रिचार्डसन, केन रिचार्डसन र एन्ड्रु टाईले समान २–२ विकेट लिए ।

३४३ रनको लक्ष्य पछ्याएको अष्ट्रेलिया ४७.१ ओभरमा ३०४ रनमा अलआउट भयो । उसका लागि शन मार्सले १३१ रनको शतकीय योगदान दिए पनि टिमलाई जित दिलाउन सकेनन् । मार्सले ११६ बलमा १० चौका र ३ छक्का प्रहार गरेका थिए । एस्टन एगरले ४६ रनको योगदान दिए भने अन्य खेलाडीको प्रदर्शन खराब रह्यो ।

अष्ट्रेलियालाई कम स्कोरमा रोक्नका लागि लियाम प्लंकेट एक्लैले चार विकेट लिए । यस्तै अदिल रसिदले पनि ३ विकेट हात पारे ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्