नेपाली कामदार भर्तीको विषय दुई महिनामा टुङ्गो लाग्छ : मलेसिया

पुष २५, २०७५ बुधबार १३:१:२६ | उज्यालो सहकर्मी

काठमाडौं – मलेसियाले नेपाली कामदार भर्तीका लागि अझै दुई महिना लाग्ने बताएको छ ।

कामदार भर्ना प्रक्रिया र व्यवस्थापनको विषयमा अध्ययन गर्न मलेसिया सरकारले गठन गरेको कार्यदलले प्रतिवेदन तयार पार्न थप समय लाग्ने मलेसियाको मानव संसाधन मन्त्रालयले जनाएको छ ।

मलेसियाका सहायक मानव संसाधन मन्त्री दातुक मफुज ओमारले कामदार भर्तीका विषयमा छलफल भइरहेको र कामदार भर्तीको निर्णय स्वतन्त्र कामदार भर्ती समितिको प्रतिवेदन अनुसार नै हुने बताउनुभएको छ ।

नेपाली कामदार भर्तीको विषय समितिले प्रतिवेदन दिएपछि मात्रै टुङ्गो लाग्ने उहाँको भनाई छ ।

सोमबार क्वालालम्पुरमा पत्रकारसँग कुरा गर्दै उहाँले प्रतिवेदन तयार भएसँगै विदेशी कामदारका लिने प्रक्रिया सुरु हुने बताउनुभयो । प्रतिवेदन अध्ययन गरेर सरकारले विदेशी कामदारसम्बन्धी नीतिमा सुधार गर्न सक्ने उहाँको भनाई छ ।

गएको जेठदेखि नेपाल सरकारले विभिन्न बहानामा मलेसिया जाने कामदार ठगीमा परेको भन्दै मलेसियाको रोजगारी बन्द गरेको हो । मलेसियाको रोजगारीको ढोका खोल्नका लागि गएको कात्तिक १२ गते नेपाल र मलेसियाबीच श्रम समझदारी पत्रमा हस्ताक्षर भइसकेको छ ।

समझदारी पत्रमा शून्य लागतमा कामदार मलेसिया जान पाउने विषयदेखि विभिन्न सुरक्षाका विषयलाई महत्व दिइएको छ ।

याे पनि पढ्नुहाेस्

मलेसियाको रोजगारीमा बिचौलियाले गर्ने चलखेलको अब अर्थ छैन : मन्त्री विष्ट

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्