बासुधारा मकर संक्रान्ति मेलामा कलश यात्रा

पुष ३०, २०७५ सोमबार १५:५०:५६ | विमल बिष्ट

डोटी – डोटीको दिपायल सिलगढी नगरपालिका वडा नम्बर ३ मा रहेको बासुधारा शिवालय तीर्थस्थलको मेलामा सोमबार दिउँसो कलश यात्रा शुरु भएको छ ।

दिपायलस्थित बासुधाराबाट निकालिएको कलश यात्रा दिपायल बजार, एअरपोर्ट, पिपल्ला बजार, पुल बजार हुँदै पुनः बासुधारामा गएर सकिएको थियो । कलश यात्रामा देल्पेश्वर माविका विद्यार्थी, स्थानीय भक्तजन तथा साधु सन्तहरुको समेत सहभागिता रहेको थियो ।

सोमबार राति मन्दिरमा सुदूरपश्चिमेली डेउडा खेल हुने र मंगलबार बिहान माघ १ गते भब्य रुपमा मकर मेला लाग्ने भएको छ । मेलाका लागि सम्पूर्ण तयारीसहित सोमबार दिउँसो कलश यात्रा निकालिएको दिप्पेश्वर मठ बासुधारा क्षेत्र विकास समितिका अध्यक्ष कर्ण द्धारीयाले बताउनुभयो ।

उहाँले भन्नुभयो, ‘मेलाको सम्पूर्ण तयारी पूरा भई कलश यात्रा निकालेका छौं, रातिबाट भव्य मेला लाग्ने छ ।’ भारतको हरिद्वारभन्दा पुरानो तीर्थस्थलको रुपमा रहेको बासुधारा प्रचार प्रसार अभावका कारण अहिले पछाडि परेकाले यसको ऐतिहासिक महत्व झल्काउने उद्देश्यले मकर संक्रान्ति महास्नान मेलाको आयोजना गरिएको समेत दिप्पेश्वर मठ बासुधारा क्षेत्र विकास समितिका अध्यक्ष कर्ण द्धारीयाले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्