नारायण नगरपालिकामा अलपत्र भारतीय युवतीलाई परिवारकाे जिम्मा लगाइयाे

माघ २, २०७५ बुधबार १९:५४:२३ | अमर सुनार

दैलेख – नारायण नगरपालिकामा अलपत्र परेकी भारतको गुजरात राज्य भरुच जिल्लाकी २४ वर्षीया तस्लिमा बानुलाई बुधबार उहाँका अभिभावकको जिम्मा लगाइएको छ ।

गएको पुस १३ गते महिला तथा बालबालिका सेवा केन्द्रले उद्धार गरी संरक्षणमा राखेर टेलिफोन मार्फत पारिवारिक सम्पर्क गराएको आधारमा भारतबाट आएका उहाँका परिवारजनलाई जिम्मा लगाइएको हो ।

सहायक प्रमुख जिल्ला अधिकारी हरिबहादुर खत्री, निमित्त जिल्ला समन्वय अधिकारी पदम सापकोटा, महिला तथा बालबालिका सेवा केन्द्रको सञ्चालक संस्था सोसेक दैलेखका अध्यक्ष हीरासिंह थापालगायतको रोहवरमा युवतीलाई परिवारको जिम्मा लगाइएको हो ।

दैलेख घर भएका एक युवकले भारतमा रहँदा उनलाई प्रलोभनमा पारी दैलेखमा ल्याइ पुर्‍याएर अलपत्र पारिदिएको अवस्थामा फेला पारेपछि तीन साता संरक्षणमा राखेको महिला तथा बालबालिका सेवा केन्द्रले संयोजक श्रेष्ठले बताउनुभयो ।

युवतीको परिवारको खोजीका लागि महिला तथा बालबालिका सेवा केन्द्रले भारतीय क्राइम ब्रान्चको सहायतामा पारिवारिक सञ्चार सम्पर्क गरिएको थियो ।टेलिफोन सम्पर्कका आधारमा माघ १ गते दैलेख आइपुगेका युवतीका बुबा सलिम सेख र आमा फरिदा सलिम सेखलाई ती युवती जिम्मा लगाइएको हो ।

उनीहरु भारत फिर्ता जान यातायात खर्च बापत नारायण नगरपालिकाले ५ हजार नगद सहयोग गरेको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्