सुदूरपश्चिम प्रदेशमा ३४ प्रतिशत महिलाले घरैमा बच्चा जन्माउँदै

माघ ६, २०७५ आइतबार १७:८:२ | विमल बिष्ट

डाेटी - सुदूरपश्चिम प्रदेशका ३४ प्रतिशत महिलाले घरमै बच्चा जन्माउने गरेको एक तथ्यांकले देखाएको छ ।

सुदूरपश्चिम प्रदेशको सामाजिक विकास मन्त्रालयका सूचना अधिकारी हेमराज पाण्डेका अनुसार सुदूरपश्चिममा ३४ प्रतिशत महिलाले घरैमा बच्चा जन्माउने गरेका छन् । उहाँले भन्नुभयो,‘स्वास्थ्य संस्थामा बच्चा जन्माउनका लागि हामीले विभिन्न कार्यक्रम गरे पनि जनचेतनाको कमीका कारण यहाँका अधिकांश महिलाले घरैमा बच्चा जन्माउने गरेका छन् ।’

सुदूरपश्चिम प्रदेशका ९ जिल्लाका स्वास्थ्य कार्यालयको तथ्यांक अनुसार स्वास्थ्य संस्थाले गएको पुस महिनालाई सुरक्षित मातृत्व महिना मनाए पनि यहाँका महिलाले घरमै बच्चा जन्माउने गरेकाे पाइएकाे हाे ।

यस्तै यस प्रदेशका ७ सय ३३ वडामध्ये ६ सय ५८ मा ‘बथिर्ङ सेन्टर’ स्थापना भए पनि सबै महिला स्वास्थ्य संस्थामा आउन नसकेको सूचना अधिकारी पाण्डेले जानकारी दिनुभयो ।

प्रदेशका सबै जिल्लामा गर्भवतीलाई स्वास्थ्य संस्थामा आउन प्रोत्साहन गर्ने उद्देश्यले निमन्त्रणा कार्ड पठाउने व्यवस्था गरिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्