डोटीमा हिमपात, यातायात अवरुद्ध

माघ ८, २०७५ मंगलबार १२:३०:१० | विमल बिष्ट

डोटी – सुदूरपश्चिम प्रदेशको पहाडी जिल्ला डोटीमा सोमबार रातिदेखि हिमपात सुरु भएको छ । हिमपातका कारण यहाँको जनजीवन प्रभावित बनेको छ । हिमपातसँगै भएको वर्षाका कारण डोटीका लेकाली बस्तीहरु हिउँले सेताम्मे भएका छन् ।

हिमपातका कारण स्थानीयहरु घरबाहिर निस्किन सकिरहेका छैनन् । जिल्लाको खप्तड, भल्मा, गोलादेउ, शिखर, नापानी, केदार धुरा, उदैनीलगायतका उच्च पहाडी क्षेत्रमा बाक्लो हिमपात परेको छ । हिमपात अहिले भैरहेको स्थानीय दीपक खवासले बताउनुभयो ।

हिमपात र वर्षा भएपछि यहाँका पानी नलाग्ने भेगका किसानहरु खेती सप्रिने आशामा खुशी भएका छन् । त्यस्तै सुदूरपश्चिमको प्रमुख पर्यटकीयस्थल खप्तडमा करिब दुई फीट बाक्लो हिउँ परेको नेपाली सेनाले जनाएको छ ।

जिल्ला सदरमुकाम सिलगढी तथा पुरानो क्षेत्रीय सदरमुकाम दिपायलमा वर्षा भैरहेको छ । हिमपातका कारण अत्तरिया स्याउले जोड्ने भिमदत्त राजमार्ग पनि बन्द भएको सुदूरपश्चिम प्रदेश प्रहरी कार्यालय दिपायलले जनाएको छ ।

डोटीको गैरा र डडेल्धुराको हगुल्टेमा हिमपात भएका कारण दर्जनौँ सवारी साधन स्याउले र डोटीको गैरामा जम्मा भएको इलाका प्रहरी कार्यालय बुडर डोटीका प्रमुख रुपसिंह थापाले जानकारी दिनुभयो । हिउँ हटाउन र बाटो सुचारु गराउनका लागि डिभिजन सडक कार्यालयबाट डोजर मगाइएको प्रहरीले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्