मौसम : काठमाण्डौ उपत्यकामा बाक्लो हुस्सु, पश्चिममा पानी पर्ने अनुमान

माघ १०, २०७५ बिहीबार ८:११:४७ | उज्यालो सहकर्मी

काठमाण्डौ – उपत्यकामा अहिले बाक्लो हुस्सु लागेको छ । बुधबार पानी परेपछि बिहीबार बाक्लो हुस्सु लागेको हो । बाक्लो हुस्सुका कारण अहिले काठमाण्डौको भिजिविलिटी एक सय मिटरमा झरेको जल तथा मौसम पुर्वानुमान महाशाखाले जनाएको छ ।

कम भिजिविलिटि भएकाले सडकमा गाडी चलाउँदा वा हिँड्दा सावधानी अपनाउन ट्राफिक प्रहरीले आग्रह गरेको छ । मौसमविद् मन्जु बासीका अनुसार अहिले लागेको हुस्सु दिउँसोपछि मात्रै हट्नेछ । हुस्सु हटेपछि काठमाण्डौमा बिहीबार घाम लाग्ने छ ।

बिहान ४ दशमलव ८ डिग्री सेल्सियस मापन गरिएको काठमाण्डौको दिउँसोको तापक्रम १५ देखि १७ डिग्री सेल्सियससम्म पुग्ने महाशाखाको अनुमान छ ।

बुधबारभन्दा बिहीबारको मौसममा सुधार हुने मौसमविद् बासीले बताउनुभएको छ । सोमबार रातिदेखि सक्रिय भएको पश्चिमी वायु कमजोर भएकाले बिहीबार काठमाण्डौ उपत्यकासहित पूर्वी क्षेत्रमा दिउँसोपछि घाम लाग्नेछ भने पश्चिमी क्षेत्रको मौसम पूर्ण रुपमा नखुल्ने उहाँको भनाइ छ ।

बिहीबार पश्चिमको एक दुई ठाउँमा पानी पनि पर्न सक्छ तर मौसम एकैछिन बदली हुँदै खुल्ने उहाँको अनुमान छ । मौसमविद् बासीका अनुसार रातिदेखि अर्को प्रणाली नेपाल प्रवेश गर्ने भएकाले भोलिदेखि भने देशभरी कै मौसम बदली भई धेरै ठाउँमा वर्षा र हिमपात हुनेछ । सोमबार रातिदेखि उच्च हिमाली तथा पहाडी क्षेत्रमा हिमपात हुँदा देशभरको जनजीवन प्रभावित भएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्