श्रमिकलाई तलब नदिने मलेसियाको डब्लूआरपी कम्पनीलाई कारबाही हुने

माघ १७, २०७५ बिहीबार १५:५६:३ | उज्यालो सहकर्मी

सुनाखरी मगर/उज्यालो ।

मलेसिया – श्रमिकको तलब रोक्ने मलेसियाको डब्लूआरपी कम्पनीलाई मलेसिया सरकारले कारबाही गर्ने भएको छ । मलेसियाको मानव संशाधन मन्त्रालयले डब्लूआरपी एसिया प्यासिफिक कम्पनीलाई कारबाही गर्ने बताएको हो ।

तलब नदिएपछि नेपाल र बाङ्लादेशसहित विभिन्न देशका दुई हजारभन्दा धेरै कामदारले हडताल सुरु गरेका थिए । कम्पनीले तीन महिनादेखि तलब रोकेको, अतिरिक्त समय काम गरेको रकम नदिएको र अनावश्यक तरिकाले पैसा काटेको कामदार बताएका छन् ।

तर कम्पनीले भने कामदारको यो भनाईको खण्डन गरेको छ । कम्पनीका मुख्य कार्यकारी लि सोन होंग कम्पनीमा कार्यरत सबैलाई समयमै तलब दिएको र उनीहरुलाई मलेसियाको कानुन अनुसारको सुविधा पनि दिइएको दाबी गरेको मलेसियाको एक अनलाइन पत्रिका मलाया मेलले लेखेको छ ।

रबरको पञ्जा उत्पादन गर्ने यो कम्पनीले अघिल्लो वर्षको नोभेम्बरदेखि विदेशी श्रमिकको तलब रोकेको थियो । मंगलबार श्रमिकको तलब दिने सहमति भएपनि कम्पनीलाई कारबाही गरिने मानव संशाधन मन्त्रालये स्पष्ट पारेको छ ।

कम्पनीले फेरि यस्तो गल्ती नगरोस र अरु कम्पनीका लागि पनि नजिर बनोस भनेर कारबाही गर्नुपर्ने मन्त्रालयको भनाई छ । श्रम विभागले कम्पनीलाई कारबाहीको प्रक्रिया अघि बढाएको बताएपनि के कारबाही गर्ने भन्ने चाहिँ स्पष्ट पारेको छैन ।

श्रमिकले हडताल गरेपछि नेपाल, बङ्लादेशको मलेसियामा रहेका दूतावास र कम्पनीका प्रतिनिधिको सामुहिक बैठक बसेको थियो । बैठकपछि रोकिएको तलब दिने र अबदेखी समयमै तलब दिने सहमतिपछि श्रमिकहरु काममा फर्किएका छन् ।

यो पनि पढ्नुहोस् ।

मलेसियाको एक कम्पनीले तलब नदिएपछि कामदार हडतालमा

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्