श्रीमानकाे हत्या आराेपमा श्रीमती र उनका प्रेमी पक्राउ

माघ १८, २०७५ शुक्रबार १८:३७:५९ | सन्ताेष रुचाल

धनकुटा – तीन महिना अघि धनकुटाको हिलेमा सञ्चालन भएको मिनी मेलामा हत्या गरिएका सुनसरी इटहरी उपमहानगरपालिका–१५ का रामबाबु चौधरीको हत्यामा संलग्न दुई जनालाई प्रहरीले शुक्रबार सार्वजनिक गरेको छ ।

लामो समयको अनुसन्धानपछि धनकुटा प्रहरीले मृतककी श्रीमती र उनका प्रेमीलाई हत्याको अभियोगमा प्रक्राउ गरी सार्वजनिक गरेको हो ।

प्रहरीले साँगुरीगढी गाउँपालिका वडा नं. ९ घर भई हाल बराहक्षेत्र ५ कालाबन्जार बस्ने ३१ वर्षीय सविन राई र मृतककी श्रीमती इटहरी उपमहानगरपालिका–१५ की २९ वर्षीया प्रिया चौधरीलाई प्रक्राउ गरेको हो ।

उनीहरुले योजना बनाएर चौधरीको हत्या गरिएको प्रारम्भिक अनुसन्धानमा खुल्न आएको जिल्ला प्रहरी कार्यालय धनकुटाका एसपी सुरेन्द्रबहादुर गुरुङले बताउनुभयो ।

चौधरीको हत्यापछि विवाह गर्ने सल्लाहमा प्रियाले आफ्नो श्रीमान्को हत्या गर्न राईलाई उक्साएको अनुसन्धानमा खुलेको प्रहरीले बताएको छ ।

चौधरीको २ तथा सवारी चालक पेशा गर्ने राईको १ सन्तान रहेका छन् । धनकुटाको हिले बजारमा लागेको मिनी मेलामा कर्मचारीका रुपमा कार्यरत ३८ वर्षीय चौधरीको कार्तिक १६ गते राति धारिलो हतियार प्रयोग गरी हत्या गरिएको थियो ।

प्रदेश नं. १ प्रहरी कार्यालयको अनुसन्धान समूह विराटनगर र जिल्ला प्रहरी कार्यालय धनकुटाको संयुक्त टोलीले आरोपितद्धयलाई बुधबार पक्राउ गरिएको एसपी गुरुङले जानकारी दिनुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्