नेपाली महिला फुटबल खेलाडीलाई १-१ लाख रुपैयाँ पुरस्कार दिने एन्फाकाे घाेषणा

फागुन १५, २०७५ बुधबार १६:३३:२० | उज्यालो सहकर्मी

काठमाण्डाै - अखिल नेपाल फुटबल संघ एन्फाले २३ जना नेपाली महिला फुटबल खेलाडीलाई जनही एक एक लाख रुपैयाँ प्रदान गर्ने घाेषणा गरेकाे छ ।

गत साता भारतमा भएको हिरो महिला गोल्डकपमा उत्कृष्ट प्रदर्शन गरेका कारण पुरस्कारको घोषणा गरिएको एन्फाले जनाएको छ । हिरो महिला गोल्डकपमा नेपालले साफ च्याम्पियनसिपको सर्वाधिक सफल टिम भारतलाई हराएको थियो ।

साफ महिला च्याम्पियनसिपको उपाधि जितेमा टिमका प्रत्येक सदस्यलाई उचित पुरस्कारको घोषणा गरिने एन्फाले जनाएको छ । यतिमात्र होइन, टिमका सदस्यहरुलाई विदेशमा प्रशिक्षण गर्न पठाउने तयारी पनि एन्फाले गरेको छ । केही सदस्यलाई अमेरिका र जापानमा प्रशिक्षणका लागि पठाउने तयारी गरेको छ । दुवै देशसँग कुरा भइरहेको एन्फाले जनाएको छ ।

साफ च्याम्पियनसिप फागुन २८ देखि चैत ८ गतेसम्म विराटनगरमा हुनेछ । अहिले नेपाली टिम विराटनगर पुगेर प्रशिक्षणमा व्यस्त छ । प्रतियोगिताका लागि प्राविधिक तयारी अन्तिम अवस्थामा पुगेको अखिल नेपाल फुटबल संघ एन्फाले जनाएको छ ।

साफ महिला च्याम्पियनसिपको चार संस्करण सकिँदा नेपाल तीन पटक उपविजेतामा सीमित बनेको छ । एक पटक भने सेमिफाइनबाटै बाहिरिएको थियो । चारै संस्करणमा भारत च्याम्पियन बन्दै आएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्