रहिम स्टर्लिङको ह्याट्रिक, म्यानचेस्टर सिटीले वाटफोर्डलाई ३-१ गोलले हरायो

फागुन २६, २०७५ आइतबार ७:२३:१८ | उज्यालो सहकर्मी

रहिम स्टर्लिङले दोस्रो हाफमा ह्याट्रिक पूरा गरेपछि म्यानचेस्टर सिटीले वाटफोर्डलाई ३-१ गोलले हराउँदै प्रिमियर लिगको शीर्ष स्थानमा ४ अंकको अग्रता बनाएको छ । तर, स्टर्लिङको पहिलो गोल भने विवादित बनेको थियो ।

पहिलो हाफका गोलरहित बराबरी भए पनि दोस्रो हाफको सुरुमै स्टर्लिङले गोल गरे । सर्जियो एग्युरोको फ्लिक पासमा उनले गोल गरेका हुन् । तर, एग्युरोले बल होल्ड गर्दा स्टर्लिङ स्पष्ट रुपमा अफसाइड पोजिसनमा थिए ।

लाइन्सम्यानले झण्डा पनि उचालिसकेका थिए । तर, आफ्ना सहकर्मी अधिकारीसँगको लामो छलफलपछि रेफ्री पाउल टायरनेले आफ्नो निर्णय दिए । स्टर्लिङको दोस्रो गोलमा भने कुनै समस्या भएन । जुन पहिलो गोलको ४ मिनेटपछि नै भएको थियो ।

रियद मेहेरेजको क्रसमा ट्याप गरी उनले गोल गरेका थिए । ५९औं मिनेटमा २४ वर्षीय इंग्लिस स्ट्राइकरले ह्याट्रिक पूरा गरे । सिजनमा उनको यो १८औं गोल हो । जितसँगै सिटीले ३० खेलबाट ७४ अंक बनाएको छ । एक खेल कम खेलेको लिभरपुुलको ७० अंक छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्