रियल मड्रिडको शानदार जित

फागुन २७, २०७५ सोमबार ७:२८:२७ | उज्यालो सहकर्मी

ला लिगामा रियल मड्रिडले रियल भालाडोलीडलाई हराउँदै राहत महसुस गरेको छ । यसअघिका खेलमा राम्रो नतिजा निकाल्न नसकेको रियलले भालाडोलिडलाई चार एक गोल अन्तरले हरायो ।

भालाडोलीडको मैदानमा घरेलु टिमले खेलमा अग्रता बनाएको थियो । तर रियलले त्यसलाई उल्ट्याउँदै चार गोल गर्न सफल भयो । खेलको २९ औं मिनेटमा अनुर तुहामीको गोलमा भालाडोलीडले अग्रता बनाएको थियो ।

त्यसपछि रियलले उत्कृष्ट कमब्याक गर्न सफल भयो । १० खेलाडीमा झरेको रियलले ३४ औं मिनेटमा भारानेको गोल्मार्फत खेल बराबरी गर्न सफल भयो । त्यसपछि ५१ औं मिनेटमा रियलले पाएको पेनाल्टीलाई करिम बेन्जिमाले गोल गर्दै दुई एकको अवस्थामा पुर्‍याए ।

५९ औं मिनेटमा फेरि बेन्जिमाले नै टोनी क्रुसको पासमा ब्यक्तिगत दोस्रो तथा टिमका लागि तेस्रो गोल गरे । ८० औं मिनेटमा कासेमीरो दोहोरो पहेलो कार्ड पाउँदै मैदानबाट बाहिरिएपछि रियल १० खेलाडीमा खुम्चियो ।

तर त्यसको ५ मिनेटपछि नै लुका मोड्रिचले रियलका लागि चौथो गोल गरे । जितपछि रियलले २७ खेलमा ५१ अंक बनाएको छ । शीर्ष स्थानको बार्सिलोनाको ६३ अंक छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्