दोलखाका ९ जना भूकम्प प्रभावितले लिए सहुलियत कर्जा

चैत १६, २०७५ शनिबार १६:५६:३४ | उषा तामाङ

दोलखा - भूकम्प पीडितको निजी आवास निर्माणका लागि ब्याज अनुदानमा प्राप्त हुने कर्जा दोलखाबाट ९ जना प्रभावितले लिएका छन् ।

जिल्लाका विभिन्न बैंकमा १५ भूकम्प प्रभावितले निवेदन दिएकामा ९ जनाले सहुलियत कर्जा लिएका छन् भने ५ जना प्रक्रियामा छन् । सहुलियत कर्जाका लागि राष्ट्रिय वाणिज्य बैंकबाट १ जना, नबिल बैंक र प्रभु बैंकबाट समान ४–४ जना भूकम्प प्रभावितले सहुलियत कर्जा पाएका हुन् ।

यसैबीच मेगा बैंक चरिकोटमा एक जना भूकम्प प्रभावितले सहुलियत कर्जाका लागि निवेदन दिएकाेमा कुनै प्रक्रिया सुरु भएको छैन । विभिन्न बैंकमा भूकम्प प्रभावितको ५ वटा निवेदन प्रक्रियामा रहेको जनाएको छ ।

नेपाल सरकारले जारी गरेको सहुलियतपूर्ण कर्जाका लागि ब्याज अनुदानसम्बन्धी एकिकृत कार्यविधि, २०७५ जारी गरेसँगै आर्थिक अभावमा घर बनाउन नसकेका भूकम्प प्रभावितले ऋण पाउन थालेका हुन् ।

निजी आवास निर्माण गर्न सम्झौता गरी ५० हजार लिएर पनि आर्थिक अभावका कारण हालसम्म आवास निर्माण सुरु गर्न नसकेका, ऋणी वा उसको परिवारको नाममा कुनै पनि स्थानमा बस्न योग्य घर नभएको र सरकारले दिएको अनुदान बाहेक अन्य अनुदान नपाएका भूकम्प प्रभावितले ३ लाख रुपैयाँ कर्जा लिएका हुन् ।

बैंकको नियमानुसार निर्धारण गरिने ब्याजदरमा नेपाल सरकारले ब्याज अनुदान सुविधा बापत ५ प्रतिशत र बाँकी ब्याज भूकम्प प्रभावितले तिर्नुपर्नेछ । भुकम्प प्रभावितले लिएको कर्जा ५ वर्षभित्र चुक्ता गर्नुपर्नेछ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्