डीआइजी महेशविक्रम शाहकाे सक्रियतामा कर्णाली प्रदेशका सबै कारागारमा पुस्तकालय

चैत १९, २०७५ मंगलबार १८:९:४ | मुना हमाल

सुर्खेत – प्रदेश प्रहरी कार्यालयले कर्णाली प्रदेशका सबै जिल्ला कारागारमा पुस्ताकालय स्थापना गर्ने भएको छ । त्यसका लागि तयारी अन्तिम चरणमा पुगिसकेको प्रदेश प्रहरी कार्यालयले जानकारी दिएको छ ।

प्रहरीले यही चैत्र २३ गते प्रदेशका दशवटै जिल्लाका कारागारमा एकैसाथ पुस्ताकालय स्थापना गर्न लागेको छ । प्रहरी–समुदाय साझेदारी गरी कारागारलाई किताब अभियान सुरु गरेको हो ।

प्रदेश प्रहरी कार्यालयले आज वीरेन्द्रनगरमा पत्रकार सम्मेलन गरेर पुस्ताकालय स्थापनाको तयारी अन्तिम चरणमा पुगेको जानकारी दिएको हो । प्रदेश प्रहरी प्रमुख महेशविक्रम शाहले पुस्तकबाट सृजनशीलता र ज्ञान प्राप्त हुने भएकाले कैदीबन्दीका लागि पुस्तक महत्वपूर्ण हुने भन्दै पुस्ताकालय स्थापना गर्न लागिएको बताउनुभयो ।

‘कारागार सुधार गृह पनि हो । त्यसैले हामीले पुस्ताकालय स्थापना गर्न लागेका हौँ’ उहाँले भन्नुभयो, ‘यसले कैदीबन्दीहरुको जीवनमा सकारात्मक परिवर्तन आउने अपेक्षा गरेका छौँ ।’

कर्णालीका दशवटै जिल्लाका कारागारमा पुस्तकालय स्थापनाका लागि २१ लाख ८ हजार ८ सय ६२ रुपैयाँको किताब संकलन भएकाे छ । डीआइजी शाहका अनुसार विभिन्न संघसंस्था, साहित्यकार, लेखक, विभिन्न व्यक्तिहरुबाट ८ हजार ३ सय ८८ पुस्तक संकलन भएका हुन् । मुगु र हुम्लामा कारागार बन्दैछन् । अहिले मुगुको जिल्ला प्रहरी कार्यालयमा पुस्ताकालय स्थापना गरिएको छ ।

चैत २३ गते अर्थात उद्घाटनका दिन १० वटै जिल्लाका लेखक, सहित्यकारको उपस्थिति पनि रहने प्रदेश प्रहरी कार्यालयले जानकारी दिएको छ । पुस्तकको महत्वबारे चर्चा गर्न लेखक र कैदीबीच अन्तरक्रियात्मक कार्यक्रम पनि आयोजना गरिने डीआइजी शाहले जानकारी दिनुभयो ।

उहाँका अुनसार पुस्ताकालय स्थापनासँगै प्रत्येक कारागारमा बुक क्लब पनि गठन भएका छन् । पुस्तक मात्र पढेर नहुने भएकाले त्यसको समीक्षा आवश्यक रहेको भन्दै डीआइजी शाहले प्रत्येक शनिबार पुस्तकको समीक्षा गरिने पनि बताउनुभयो ।

‘कैदीबन्दीहरुले किताब पढेपछि प्रत्येक शनिबार किताबको समीक्षा पनि गर्छन्’ उहाँले भन्नुभयो, ‘हामीले जसले धेरै पुस्तक पढ्छन् । उनीहरुलाई पुस्तक नै दिने पुरस्कारको पनि व्यवस्था गरेका छौँ ।’

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्