एसीसी यू-१६ इस्टर्न रिजनका लागि नेपाली टिम घोषणा

वैशाख ४, २०७६ बुधबार १८:३३:९ | उज्यालो सहकर्मी

काठमाण्डौ - थाइल्याण्डमा हुने एसीसी यू-१६ इस्टर्न रिजनका लागि नेपाली टिमको घोषणा गरिएको छ । एसियन क्रिकेट काउन्सिलको आयोजनामा हुने प्रतियोगिताका लागि नेपालले १४ खेलाडीको टिम घोषणा गरेको हो ।

थाइल्याण्डको चियाङमाइमा अप्रिल २० देखि २८ सम्म हुने प्रतियोगिताका लागि विशाल विक्रम केसीको कप्तानीमा रहेको टिममा आशिष ठाकुर, प्रशान्त महत, अर्जुन कुमाल, दीपक बोहोरा, सुवास ऐयर, निखिलकुमार सिंह, विशालकुमार पटेल, क्रिस कार्की, तिलकराज भण्डारी, रमेश कुर्मी, रोहन दुधराज विक, प्रशान्त सिंह र सुशान्त थापा रहेका छन् । अफिसियलमा सुदिप शर्मा म्यानेजर, वसन्त शाही प्रशिक्षक र दिनेश भट्ट फिजियो रहेका छन् ।

बिहीबार थाइल्याण्ड प्रस्थान गर्ने नेपालले पहिलो खेल शनिबार म्यानमारसँग खेल्नेछ भने दोस्रो खेल बुधबार मलेसियासँग खेल्नेछ । यस्तै प्रतियोगिताको तेस्रो खेलमा नेपालको प्रतिद्वन्द्वी थाइल्याण्ड रहेको छ ।

समूह 'ए' मा रहेको नेपालले शीर्ष दुईमा रहन सके सेमिफाइनलमा स्थान बनाउनेछ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्