पेरुका पूर्व राष्ट्रपति गर्सियाले आफूमाथि गोली चलाए

वैशाख ५, २०७६ बिहीबार १२:२९:८ | उज्यालो सहकर्मी

पेरुका पूर्व राष्ट्रपति एलन गर्सियाले आफूमाथि नै गोली चलाएका छन् । घुस जाँचको सम्बन्धमा उनको घरमा पुलिस पुगेपछि पूर्व राष्ट्रपति गर्सियाले आफूमाथि नै गोली चलाएका हुन् ।

स्थानीय टीभी च्यानलका अनुसार, ६९ वर्षीय गर्सियालाई तुरुन्त अस्पताल लगिएको थियो, जहाँ सर्जरीपछि उनी कोमामा पुगेका थिए । कोमामा पुगेको केही घण्टामा नै उनको निधन भएको उनका वकिलले बताए ।

गर्सिया आफ्नो प्रभावशाली भाषणका कारण चर्चित छन् । उनी दुई पटक पेरुको राष्ट्रपति भैसकेका छन् । सन् १९८५–९० र २००६–११ मा उनले राष्ट्रपतिको पदभार सम्हालेका थिए ।

ब्राजिलको एक निर्माण कम्पनीसँग जोडिएको सम्बन्धमा पूर्व राष्ट्रपति गर्सिया जाँचको घेरामा थिए । जाँच चलिरहँदा उनलाई देश छोडेर जान प्रतिबन्ध लगाइएको थियो । त्यसपछि उनले उरुग्वेसँग राजनीतिक शरण मागेका थिए तर उनलाई मञ्जुरी दिइएन ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्