सिरहाबाट सात वर्षमा एक लाखभन्दा धेरै युवा विदेशिए

असार १६, २०७५ शनिबार १६:४९:६

सिरहा– सिरहाबाट एक लाखभन्दा बढी युवा वैदेशिक रोजगारमा गएका छन् । जिल्लामा सुरक्षित आप्रवासन परियोजना सञ्चालन गर्दै आएको जिल्ला समन्वय समिति अन्तर्गतको सूचना तथा परामर्श केन्द्रले शनिबार सिरहामा गरेको पत्रकार सम्मेलनमा सात वर्षमा यहाँबाट एक लाखभन्दा बढी युवा वैदेशिक रोजगारमा गएको बताएको हो ।
आर्थिक वर्ष २०६७÷६८ देखि अहिलेसम्म वैदेशिक रोजगारीमा गएका १ लाख ८ हजार ७ सय जनामध्ये १ लाख ८ हजार ५ सय १६ पुरुष छन । बाँकी २ सय ३ जना महिला रहेको सामी परियोजनाका जिल्ला संयोजक कविरकुमार चौधरीले जानकारी दिनुभयो ।
वैदेशिक रोजगारीमा जानेमध्ये सबैभन्दा बढी ४० हजार ३ सय ८७ जना कतार गएका छन् । ३० हजार ६ सय ५८ जना साउदी साउदी अरब गएका छन् भने २५ हजार ५ सय ६८ जना मलेसिया गएका छन् ।
पछिल्लो तीन वर्षमा सूचना केन्द्रको पहलमा ६५ जनाले निःशुल्क सीप सिकेर गएको तथा १२ हजार ५ सय ६९ जनाले सूचना तथा परामर्श लिएको केन्द्रले जनाएको छ ।
यस्तै वैदेशिक रोजगारीका क्रममा मृत्यु भएका ३३ जनाको शव झिकाइएको र तीमध्ये २१ जनाको परिवारलाई दुई करोड ५६ लाख १० हजार १ सय ९३ रुपैयाँ क्षतिपूर्ति उपलब्ध गराउन सफल भएको संयोजक चौधरीले जानकारी दिनुभयो ।
पत्रकार सम्मेलनमा जिल्ला समन्वय समिति सिरहाका संयोजक रामचन्द्र ठाकुरले स्वदेशमै कुनै सीप सिकेर र जानकारी लिएर वैदेशिक रोजगारीमा गएमा युवाले दुःख नपाउने विश्वास व्यक्त गर्नुभयो ।

अन्तिम अपडेट: मंसिर २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्