सन्यासका बारेमा बोल्न चाहेनन् रोनाल्डो, प्रशिक्षक भन्छन् : रोनाल्डोले धेरै गर्न बाँकी नै छ

असार १७, २०७५ आइतबार १४:३५:१० | उज्यालो सहकर्मी

उरुग्वेसँगको हारपछि नकआउट चरणबाटै बाहिरिए पनि पोर्चुगिज स्ट्राइकर क्रिस्टियानो रोनाल्डोले आफ्नो सन्यासको बारेमा बोल्न चाहेनन् ।

धेरैले सन् २०२२ सम्म रोनाल्डो पोर्चुगिज टिममा नबस्ने अड्कल काटिरहँदा रोनाल्डोले भने यो समय आफ्नो भविष्यको बारेमा कुरा गर्न उपयुक्त नभएको बताए ।

विश्वकपको नकआउट चरणमा रोनाल्डोले पहिलो गोल र असिष्ट नै गर्न सकेका छैनन् । शनिबार एडिन्सन काभानी प्रेरित उरुग्वेले २–१ ले हराउँदा पोेर्चुगलका लागि भने पेपेले एक गोल गरेका थिए ।

कतार विश्वकपमा रोनाल्डो ३७ वर्ष पुग्नेछन् तर उनले फिश्ट रंगशालाबाट बाहिरिँदै गर्दा आफू मात्रै होइन प्रशिक्षक तथा अन्य खेलाडीको भविष्यबारे कुरा गर्न उपयुक्त समय नभएको बताए ।

‘हाम्रो टिम विश्वकै उत्कृष्ट टोली बन्नेछ । हाम्रो टिम मत्हत्वाकांक्षी र आशावादी खेलाडीहरुले भरिएको छ । पोर्चुगलले आगामी खेलहरु जित्दै जानेछ र पोर्चुगिज नागरिकलाई गौरवान्वित बनाउनेछ’, रोनाल्डोले भने ।

‘हामीले उरुग्वेले भन्दा राम्रो खेलेका हौँ, फुटबलमा राम्रो खेलेर मात्रै हुँदैन, जसले बढी गोल गर्छ त्यसैले जित्छ । हामीले जित्न चाहेका थियौँ । हामी प्रतिस्पर्धामा उत्रियौँ तर उरुग्वेलाई बधाई दिनुपर्छ’, रोनाल्डोले भने ।

पोर्चुगलको राष्ट्रिय टिमको प्रतिनिधित्व गर्नु पाउनु आफ्नो लागि निकै खुशीको कुरा भएको बताउँदै रोनाल्डोले आफ्ना साथी तथा टेक्निकल स्टाफको सहकार्यको प्रशंसा गरे ।

पोर्चुगलका प्रशिक्षक फर्नान्डो सान्तोसले पनि रोनाल्डोले अझै धेरै गर्न बाँकी रहेको बताउँदै सन्यास दिने बेला नभएको बताएका छन् । सन् २०२० को युरोकप र त्यसको दुई वर्षपछि हुने विश्वकपसम्म रोनाल्डो टिममै रहने आशा उनले राखेका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्