प्रधानसेनापति कप: उपाधिका लागि गण्डकी प्रदेश र त्रिभुवन आर्मीबीच खेल हुने

जेठ २४, २०७६ शुक्रबार १८:२४:५५ | उज्यालो सहकर्मी

काठमाण्डाै - प्रधानसेनापति कप राष्ट्रिय पुरुष भलिबल प्रतियोगिताको उपाधिका लागि गण्डकी प्रदेश र त्रिभुवन आर्मीबीच प्रतिस्पर्धा हुने भएकाे छ ।

गण्डकी प्रदेश र त्रिभुवन आर्मीबीचकाे फाइनल खेल आइतबार हुनेछ । शुक्रबार भएको पहिलो सेमिफाइनलमा गण्डकी प्रदेशले एपीएफ क्लबलाई ३–१ को सेटमा हराउँदै फाइनलमा स्थान सुरक्षित गरेको थियो ।

लगनखेलकाे सैनिक शारीरिक तालिम तथा खेलकुद केन्द्रमा भएको खेलमा गण्डकीले एपीएफलाई २५–२३, २१–२५, २५–२३ र २९–२७ को सेटमा पाखा लगायो ।

याे जितसँगै गण्डकीले पहिलोपटक प्रधानसेनापति भलिबल प्रतियाेगिताको फाइनलमा स्थान बनाएको हाे । शुक्रबार नै भएको दोस्रो सेमिफाइनलमा आर्मीले नेपाल पुलिसलाई ३–१ ले पराजित गर्दै गण्डकीसँगको उपाधि भिडन्त पक्का गरेको हो ।

पहिलो सेट १९–२५ ले पराजित भएको आर्मीले बाँकी तीन सेट जित्दै फाइनलमा स्थान सुरक्षित गरेको हो । दोस्रो सेट २८–२६ ले जितेको आर्मीले तेस्रो र चौथो सेट क्रमश २६–२४ र २५–१७ ले कव्जा गर्‍यो ।

नेपाली सेनाको आयोजनामा जारी प्रतियोगिताको विजेताले ३ लाख तथा उपविजेताले १ लाख ५० हजार र तेस्रो हुनेले ७५ हजार रुपैयाँ नगदसहित ट्रफी प्राप्त गर्नेछन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्