चेन्नईलाई अब वर्षाले मात्र बचाउन सक्छ : जल विभाग

असार ४, २०७६ बुधबार १२:४:२० | एजेन्सी

भारतकाे चेन्नईमा पानीको स्रोत सुक्दै गइरहेको छ । चेन्नई शहर अब पानी निकाल्ने नयाँ योजना खोजिरहेको छ । चेन्नईको सबै इलाकामा पानीको चरम अभाव देखिएको छ ।

पानीको अभाव देखिएसँगै पानीको नयाँ स्रोत खोजिदैँछ भने भएका पानीको स्रोतलाई गहिरो बनाउने काम भैरहेको छ । जमिनमुनिबाट पानी निकाल्ने अर्थात् बोरवेल खन्ने कामलाई पनि तीव्रता दिइँदैछ ।

चेन्नईको जल विभागले १५० लाख लिटर पानी विरानम तालबाट निकाल्न खोज्दैछ, जुन तमिलनाडुको ठूलो पानीको स्रोत हो । चेन्नईको जल विभागले बोरवेल खनेर नै धेरैभन्दा धेरै पानी निकाल्ने फैसला गरेको छ ।

चेन्नईको जल विभागका अधिकारीका अनुसार, अब वर्षाले मात्र चेन्नईलाई जोगाउन सक्छ । सरकारले भने केही पानीको स्रोत खोज्ने कोसिस गरिरहेको छ।

पानीको अभावकै कारण चेन्नईका कैंयौ होटल र रेष्टुरेन्ट बन्द भएका छन् । केही सञ्चार प्रविधि कम्पनीहरुले पानीको अभावका कारण आफ्ना कर्मचारीहरुलाई घरबाटै बसेर काम गर्न भनेका छन् ।

पानीकै लागि विभिन्न ठाउँमा झडपहरु हुनुका साथै केहीले ज्यान पनि गुमाएका छन् । पानीको ट्याङकरबाट पानी लिनकै लागि प्रत्येक दिन झडपका खबरहरु आइरहेको भारतीय सञ्चार माध्यमले जनाएका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्