विकास बजेटको लक्ष्य भेटाउन सरकारलाई सकस, १५ दिनमा ९५ अर्ब रुपैयाँ खर्च गर्नुपर्ने

असार १७, २०७६ मंगलबार १९:४८:३२ | उज्यालो सहकर्मी

काठमाण्डौ – चालु आर्थिक वर्षका लागि छुट्याएको विकास बजेट खर्च गर्न सरकारलाई हम्मेहम्मे परेको छ ।

चालु आर्थिक वर्षका लागि सरकारले ३ खर्ब १३ अर्ब ९९ करोड रुपैयाँ छुट्याएको थियो । तर बजेटको अर्धवार्षिक समीक्षामार्फत सरकारले विकास बजेट घटाएर २ खर्ब ६५ अर्ब २६ करोड ५७ लाखमा झारेको थियो ।

तर आर्थिक वर्ष सकिन १५ दिन बाँकी हुँदा संशोधित लक्ष्यको जम्मा ६४ प्रतिशत मात्रै विकास बजेट खर्च भएको छ । महालेखा नियन्त्रकको कार्यालयका अनुसार असार १७ गतेसम्म १ खर्ब ६९ अर्ब ८५ करोड रुपैयाँ विकास बजेट खर्च भएको छ । यो संशोधित विकास बजेटको ६४ प्रतिशत हो भने बजेटमा छुट्याइएको विकास खर्चको जम्मा ५३ दशमलव ८२ प्रतिशत हो ।

सरकारले राखेको लक्ष्य पूरा गर्न अब १५ दिनमा ९५ अर्ब ४१ करोड ३३ लाख रुपैयाँ खर्च गर्नुपर्ने देखिन्छ । यसका लागि सरकारले दैनिक ६ अर्ब ३६ करोड ८ लाख रुपैयाँ खर्च गर्नुपर्ने देखिन्छ ।

छोटो समयमा ठूलो रकम खर्च गर्न कामको अनुगमन नगरी भुक्तानी गर्नेदेखि हिलोमाथि पिच गर्ने र पिच सकडमाथि पिच गर्ने र नचाहिने ठाउँमा रकम खर्च गर्ने क्रम बढिरहेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्