बालविवाह गराउने अभिभावकलाई जरिबाना

असार १८, २०७६ बुधबार २०:२३:५६ | अमर सुनार

दैलेख – पन्ध्र–पन्ध्र वर्षका बालक र बालिकालाई विवाह गराएको कसूरमा दैलेख जिल्ला अदालतले बुधबार दुइ जनालाई एक–एक हजार रुपैयाँ जरिबाना गरेको छ ।

जरिबाना तिराइनेमा केटाकी ठूली आमा नारायण नगरपालिका–८, ढकानेकी ३५ वर्षीया देबीकला नेपाली र दिदी १९ वर्षीया दुर्गा नेपाली रहेकाे बताइएकाे छ।

जिल्ला न्यायाधीश सनतचन्द्र लवटको बाल इजलासले पीडित बालिकालाई पीडक पक्षले ३५ हजार रुपैंयाँ क्षतिपूर्ति तिर्नुपर्ने फैसला गरेको अदालतका सूचना अधिकारी बिनोद आचार्यले जानकारी दिनुभयो । मुलुकी अपराध सहिंता २०७४ को दफा १७३ को उपदफा ३ बमोजिम बालविवाह गराइदिनेहरुलाई सजाय भएको हो ।

०७५ साउन १ गते ती बालबालिकालाई ५ दिन सँगै राखिदिएको भन्दै साउन ९ गते जिल्ला प्रहरी कार्यालय दैलेखमा पीडित पक्षले उजुरी गरेको थियो ।
उजुरीका आधारमा अनुसन्धान गरी प्रहरीले जिल्ला सरकारी वकिल कार्यालय मार्फत साउन ३१ गते दैलेख जिल्ला अदालतमा बालविवाह सम्बन्धी मुद्दा दर्ता गराएको थियो । त्यही दिन विवाह गराएको भनिएका अभिभावकलाई २ हजार धरौटी र बालबालिकाहरुलाई साधारण तारेकमा छाडिएको थियो ।

अभिभावको लहलहैमा बालविवाह गर्ने बालविवाह गर्न तयार भएको कसुरमा दुवै बालबालिकालाई २ महिना कैद तोकेर पनि आआफ्ना अभिभावकहरुलाई घरव्यवहारमा सहयोग गर्नुपर्ने सर्तमा अहिलेलाई सजाय स्थगन गरिएको छ ।

बालबालिकाले गरेको कसूरको प्रकृति र परिस्थितिलाई समेत हेरेर कानून अनुसार सजाय तोक्ने तर हाललाई कैद बस्नु नपर्ने गरी सजाय स्थगन गर्नसक्ने बालबालिकासम्बन्धी ऐन २०७५ को दफा ३६ को उपदफा (५)मा भएको व्यवस्था अनुसार बालविवाह गर्ने जोडीको सजाय स्थगन गरिएको अदालतले जानकारी दिएकाे छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्