काठमाण्डौ फन भ्यालीमा आन्तरिक राजश्व कार्यालयकाे छापा, लाखौँ कर छलेकाे आशंका

असार २४, २०७६ मंगलबार १८:३८:२२ | उज्यालो सहकर्मी

भक्तपुर - सूर्यविनायक नगरपालिका-१०, पलाँसेमा सञ्चालित काठमाण्डौ फन भ्यालीले लाखौँ रुपैयाँको कर छली गरेको पाइएको छ ।

काठमाण्डौ फन भ्याली कम्पनीको नाममा बिल काट्नुपर्नेमा नक्कली बिल काटेर कर छली गरेको पाइएको हो । काठमाण्डौ फन भ्यालीको नाममा दर्ता भएर सञ्चालनमा रहेको त्यस कम्पनीले कर छली गर्न विद्यालयहरुलाई भने ‘वाटर वर्ल्ड ट्रेडर्स प्रा.लि.’ को नाममा लाखौ रुपैयाँको बिल काटेर कर छली गरेको पाइएको छ ।

दोहोरो बिल बनाएर व्यापक रुपमा कर छली गरेको पाइएपछि आन्तरिक राजश्व कार्यालय भक्तपुरले काठमाण्डौ फन भ्यालीमा छापा मारेको छ । फन भ्यालीले सयौँ विद्यालयका हजारौँ विद्यार्थीहरुलाई दर्ताबिनाको नक्कली बिल दिएर लाखौँ रुपैयाँ कर छली गरेको उजुरी परेपछि कार्यालयले छापा मारेर कागजपत्र नियन्त्रणमा लिएको हो ।

आन्तरिक राजश्व कार्यालयका प्रमुख सूर्यप्रसाद पोखरेलले मंगलबार यसबारे जानकारी दिँदै कार्यालयमा उजुरी आएपछि काठमाण्डौ फन भ्यालीको विभिन्न कागजपत्र नियन्त्रणमा लिएर छानबिन सुरु गरेको बताउनुभयो । छानबिन सकिएपछि वास्तविकता सार्वजनिक गर्ने उहाँले जानकारी दिनुभयो ।

फन भ्यालीका प्रवक्ता लक्ष्मण गिरीले भने कर कार्यालयले कागजपत्र लिएकाे स्विकार्दै कल छली भने नगरेको दाबी गर्नुभयो । काठमाण्डौ फन भ्यालीले प्रदूषित पानी राखेको र स्थानीय सार्वजनिक जग्गासमेत मिचेर दुरुपयोग गरेपछि यसअघि त्यसै नगरपालिकाकाे १० नम्बर वडालेसमेत कारबाहीका लागि पत्राचार गरेको थियो ।

स्थानीयले वडाध्यक्ष शिवराम राउतलाई १४५ जना स्थानीयहरुकाे हस्ताक्षर रहेकाे पत्र बुझाउँदै फन भ्यालीले स्थानीय कुसिङ्ग खोलामा ठूला ठूला खाल्डो खनेर पानी तान्ने गरेको, खोलाको पानी पौडी पोखरीमा राखेर विभिन्न प्रकारका रसायन प्रयोग गर्दै मानव स्वास्थ्यसँग खेलबाड गरेको र रसायनयुक्त पानी फेरि त्यही खोलमा‍ फ्याँक्ने गरेकाले पानीको स्राेतसमेत दूषित पारेको भन्दै कारबाहीको माग गरेका थिए ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्