तीन वडाध्यक्षकाे संलग्नतामा भएकाे कुटपिटमा युवककाे ज्यान गयाे

असार २८, २०७६ शनिबार १९:३३:५ | सुमन तिमल्सिना

माेरङ - तीन जना वडाध्यक्षकै अगाडि कुटपिट गरिएका एक व्यक्तिको मृत्यु भएकाे दुई दिनपछि आफन्तले शव उठाएका छन् ।

विराटनगर–१४ जतुवाका समानन्द यादवलाई गत जेठ ३२ गते विराटनगर महानगरपालिकाका वडाध्यक्ष, वडा नम्बर १८ का वडाध्यक्ष र जहदा गाउँपालिका वडा नम्बर १ का वडाध्यक्षकै अऊाडि कुटपिट गरिएपछि यादवको शुक्रबार मृत्यु भएको थियो ।

घटना भएको लामो समय बितिसक्दा समेत प्रहरीले अभियुक्तहरुलाई पक्राउ गर्न आनाकानी गरेको मृतकका आफन्तको आरोप छ । प्रहरीले अनुसन्धानपछि घटनामा संलग्न व्यक्तिहरुलाई पक्राउ गर्ने आश्वासन दिएपछि शव उठाइएको हाे ।

यादवलाई कुटपिट गरेकाे आरोप लागेका तीनै जना वडाध्यक्षसहित अन्य व्यक्तिहरु विरूद्ध निवेदन दर्ता गरिएको भए पनि उनीहरू पक्राउ नपरेको मृतकका छोरा राजेश यादवको भनाइ छ ।

विराटनगर–१४ का वडा ध्यक्ष बालदेव यादवको घरमा भेला भएका स्थानीयबासीको समूहले आफ्नो बावुलाई बेहोश हुने गरी कुटेको छोरा राजेशले बताए।

पीडित परिवारले विराटनगर–१४ का वडाध्यक्ष यादवसहित १८ का वडाध्यक्ष संजय साह र जहदा गाउँपालिका–१ का वडाध्यक्ष प्रदीप यादवकै अगाडि कुटपिट भएको प्रहरीमा उजुरी दिएका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्