ट्राफिक जाम हुने काठमाण्डौका मुख्य–मुख्य ठाउँमा ‘ओभरहेड ब्रिज’ बनाइन्छ : मन्त्री महासेठ

साउन २७, २०७६ सोमबार १८:४७:३१ | उज्यालो सहकर्मी

काठमाण्डौ – सरकारले काठमाण्डौको ट्राफिक जाम हुने मुख्य–मुख्य ठाउँमा ‘ओभरहेड ब्रिज’ निर्माण गर्ने घोषणा गरेको छ ।

भौतिक पूर्वाधार तथा यातायात मन्त्री रघुवीर महासेठले काठमाण्डौको कोटेश्वर, गौशाला, नयाँ बानेश्वर, चावहिल, थापाथली र कालिमाटी चोकमा 'ओभरहेड ब्रिज' निर्माण गर्ने घोषणा गर्नु भएको हो । त्यसका लागि आवश्यक डिजाइनको काम सुरु भैसकेको मन्त्री महासेठको भनाइ छ ।

सोमबार काठमाण्डौमा आयोजित साक्षात्कार कार्यक्रममा बोल्दै मन्त्री महासेठले चालु आर्थिक वर्षभित्र काठमाण्डाैको सडकमा 'स्मार्ट लाइट' व्यवस्थापन गर्ने योजना पनि रहेका बताउनु भयो । उहाँले त्यसका लागि सरकारले आवश्यक बजेटको समेत व्यवस्था गरिसकेको पनि बताउनु भयो ।

मन्त्री महासेठले सरकारले काठमाण्डौलाई एक वर्षभित्र सुन्दर सहरको रुपमा विकास हुने गरी पूर्वाधार निर्माणको कामलाई सम्पन्न गर्ने लक्ष्य बनाएको दावी पनि गर्नु भयो । उहाँले मुलुकमा रेल सेवा सञ्चालनका लागि रेलमार्ग निर्माणको कामलाई पनि अघि बढाइएको बताउनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्