सेती नदीको चट्टानमा फसेका गाईको उद्धार

साउन २९, २०७६ बुधबार १५:१४:४९ | विमल बिष्ट

डोटी – डोटीको दिपायल पिपल्ला नजिकै सेती नदीको भिरमा फसेका सात वटा गाईको उद्धार गरिएको छ ।

सेती नदीको चट्टानमा फसिरहेका सात वटा गाईलाई नेपाल प्रहरी, सशस्त्र प्रहरी तथा स्थानीयबासिन्दाको सहयोगमा बुधबार उद्धार गरी सुरक्षित ठाउँमा ल्याइएको डोटीका प्रमुख जिल्ला अधिकारी टेकनारायण पौडेलले बताउनुभयो । उहाँले भन्नुभयो, ‘नदीको चट्टानमा फसेका गाईको उद्धार गरिएको छ, कसैले पाल्न नसकेर वा सडकमा छोडिएका गाईहरु जानीजानी भिरमा धकेलेको जस्तो छ । कस्ले गरेको हो खोजी गर्न प्रहरीलाई आदेश दिएको छु ।’

गाई फसेको खबर पाएपछि प्रमुख जिल्ला अधिकारीको निर्देशनमा नेपाल प्रहरी, सशस्त्र प्रहरी ३६ नम्बर गणको टोली तथा स्थानीय बासिन्दासहितको टोलीले झण्डै चार घण्टाभन्दा बढी समय लगाएर गाईको सकुशल उद्धार गरेको थियो ।

त्यस्तै उद्धार गरिएका गाईमध्ये केही दूधालु तथा केही गाईहरु ब्याउने अवस्थाका रहेको गाई उद्धार कार्यमा संलग्न स्थानीयवासी तेजबहादुर डुम्रेले बताउनुभयो । उहाँले भन्नुभयो, ‘केही गाई दूध दिने जस्ता छन् भने केही गाई ब्याउने अवस्थाका छन्, कसले भिरमा फाल्यो अचम्म छ ।’

डोटी दिपायल पिपल्ला स्थित प्रमुख व्यापारिक केन्द्र पिपल्लामा छाडा रुपमा छोडिएका गाईहरु संकलन गरेर कसैले राति बगाएको हुन सक्ने प्रहरीले अनुमान गरेको छ ।

गाई कसरी बगेका हुन् भन्ने बारेमा प्रहरीले सुक्ष्म अनुसन्धान गरिरहेको इलाका प्रहरी कार्यालय दिपायलका प्रमुख कमलापति पन्तले बताउनुभयो । उहाँले भन्नुभयो, ‘राम्रा गाईहरु भिरमा खसालेका छन्, कसले खसालेछ खोजी गर्दैछौँ ।’

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्