विष्णु माझीका बारेमा यसो भन्छन् ‘बहुला’ गायक रमेश

असार २७, २०७५ बुधबार १३:१६:१७ | उज्यालो सहकर्मी

काठमाडौं – केही दिनअघि सम्पन्न भएको दोस्रो ओएस नेपाल म्युजिक अवार्डमा गायक रमेशराज भट्टराईले वर्षको सर्वोत्कृष्ट गीत विधामा अवार्ड उचाले । उनलाई उनको चर्चित गीत ‘बहुला’ बाट यो अवार्ड र्दिएको हो ।

रमेश १५ वर्ष देखि गायनमा सक्रिय छन् । उनले आफूलाई लोकगीत र आधुनिक गीतमा अब्बल रहेको साबित गरिसकेका छन् । लोकगीतबाट गायनयात्रा सुरु गरेका उनले पछिल्लो समयमा भने व्यावसायिक रुपमा आधुनिक गीतलाई नै अघि बढाइरहेका छन् ।

गएको वर्ष सार्वजनिकभएको ‘बेहुला बनाउँछु भन्थी बहुला बनाएर गई’ बोलको गीतले उनलाई बहुला गायकको रुपमा चिनाएको छ । अरु गीतको तुलनामा उनको यो गीत चर्चित छ ।

आधुनिकसँगै लोक संगीतमा सक्रिय रमेश लोक कलाकारहरुसँग नजिक छन् । ओएस नेपालको अवार्ड समारोहमा उनीसँग कुराकानी गर्ने क्रममा उनले गायिका विष्णु माझी आफूलाई अत्यन्तै मन पर्ने गायिका भएको बताए ।

यही सन्दर्भमा हामीले पनि मौका छोप्यौँ र उनलाई विष्णु माझीका बारेमा प्रश्न गर्यौँ । खासमा विष्णु माझीलाई परिवारले मिडियामा आउन नदिएका कुराहरु आइरहेका हुन्छन् । उनलाईउ नकै श्रीमान् सुन्दरमणि अधिकारीले बन्धक बनाएर राखेका कुराहरु आइरहेका हुन्छन् ।

यसै कारण विष्णुलाई नजिकबाट देखेका रमेशलाई हामीले गायिका विष्णु माझी मिडियामा नआउनुको कारण सोध्यौँ ।

रमेशले यस बारेमा बोल्दै भने, ‘उहाँ यदि बाँधिन चाहनुहुन्थेन भने नेपालमा कानुन छ । यदि उहाँले चाहनु हुन्थ्यो भने उहाँ मिडियामा आउन सक्नुहुन्थ्यो । देश विदेशका कार्यक्रमहरुमा पनि जान सक्नुहुन्थ्यो । उहाँलाई परिवारले बाँधेर राखेको कुराहरुमा म सहमत छैन ।

किनभने अहिले ४ वटा छोरा छोरी भैसकेपछि पनि डिभोर्स भैरहेका छन् कत्तिका । त्यस कारण उहाँ मिडियामा नआएर राम्रो नराम्रो के हुन्छ यो उहाँको नितान्तव् यक्तिगत कुरा हो ।’

-उज्यालाे र गफगाफ डटकमकाे सहकार्य

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्