एभीसी सेन्ट्रल जाेन भलिबल प्रतियाेगिता : उपाधिका लागि उज्बेकिस्तान र किर्गिस्तान खेल्ने

भदौ ५, २०७६ बिहीबार १८:५१:३४ | उज्यालो सहकर्मी

काठमाण्डौ – नेपालमा जारी एसियन सेन्ट्रल जोन पुरुष भलिबल प्रतियोगिताको उपाधिका लागि उज्बेकिस्तान र किर्गिस्तान खेल्ने भएका छन् ।

बिहीबार भएको सेमिफाइनल खेलमा उज्बेकिस्तानले माल्दिभ्सलाई ३-० ले हराउँदा किर्गिस्तानले पनि तुर्कमेनिस्तानलाई ३-० कै सोझो सेटमा पराजित गर्‍यो । लगनखेलमा रहेको आर्मीको कोर्टमा भएको सेमिफाइनलमा उज्बेकिस्तानले माल्दिभ्सलाई २५-२०, २५-१९ र २५-२१ को साेझाे सेटमा हरायो ।

एकतर्फी जस्तो बनेको खेलको पहिलो सेटदेखि नै उज्बेकिस्तानले माल्दिभ्लाई दबाब दिन सुरु गरेको थियो । तुलनात्मक रुपमा कमजोर टिम मानिएको माल्दिभ्सलाई उज्बेकिस्तानले पहिलो सेटमा २५-२० ले हरायो ।

त्यसपछि दोस्रो सेटमा पनि उपाधिको दाबेदार मानिएको उज्बेकिस्तानले माल्दिभ्समाथि २५-१९ को जित निकाल्न सफल भयो । यो सेटमा पनि उज्बेक टिमले माल्दिभ्सलाई खेलमा फर्कने कुनै मौका दिएन ।

तेसो सेटमा झन् उत्कृष्ट खेल खेल्दै उज्बेकिस्तानले माल्दिभ्सलाई २५–२१ को सेटमा पाखा लगाउँदै उपाधिका लागि किर्गिस्तानसँगको भेट पक्का गर्‍यो ।

अब प्रतियोगिताको तेस्रो स्थानका लागि माल्दिभ्स र तुर्कमेनिस्तान खेल्ने छन् । यता समूह चरणबाट नै बाहिरिएको नेपालले पाँचौ स्थानका लागि प्रतिस्पर्धा गर्नेछ ।

किर्गिस्तानले पनि तुर्कमेनिस्तानलाई ३–० को सोझो सेटमा पराजित गर्दै फाइनलमा स्थान बनाइसकेको छ । किर्गिस्तानले तुर्कमेनिस्तानलाई २५–१८, २५–१७ र २५–२२ को सेटमा हराएको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्