पीएसजीको लगातार दोस्रो जित

भदौ ९, २०७६ सोमबार ८:३६:१३ | उज्यालो सहकर्मी

फ्रेन्च लिग वन मा साविक विजेता पेरीस सेन्ट जर्मेनले लगातार दोस्रो जित निकालेको छ । आइतबार राति भएको खेलमा पीएसजीले टोलोउसलाई चार शून्यले हरायो ।

घरेलु मैदानमा भएको खेलमा पीएसजीको जितमा चोउपा मोटिङले दुई गोल गरे । खेलको पहिलो हाफ रोमाञ्चक बने पनि दोस्रो हाफमा पीएसजीले एकपछि अर्को गोल गर्‍यो । ५० औं मिनेटमा मोटिङले गोल गर्दै टिमलाई अग्रता दिलाए । त्यसपछि ५५ औं मिनेटमा पीएसजीले उपहार गोलमार्फत अन्तर दुई शून्यमा पुर्‍यायो ।

पाहुना टिमका गोन्साल्भेसले बल क्लियर गर्ने क्रममा आफ्नै पोष्टमा गोल गर्न पुगे । ७१ औं मिनेटमा पीएसजीले अर्को गोलको अवसर पाएको थियो । तर एञ्जल डी मारियाले पाएको पेनाल्टीको अवसरलाई खेर फाले ।

७५ औं मिनेटमा फेरी मोटीङले हुवान बेरनटको पासमा गोल गर्दै टिमको अग्रता तीन शुन्यमा पुर्‍याए । त्यसपछि ८३ औं मिनेटमा र्माक्विनोसले गोल गर्दै पीएसजीलाई चार शून्यले अगाडि राखे । उनले मारीयाको पासको सदुपयो गरेका थिए ।

पीएसजीले स्टार खेलाडी नेयमारलाई यो खेलमा पनि बेन्चमा राखेको थियो । पछिल्लो पटक क्लब छोड्ने हल्ला चलिरहेका बेला उनी लगातार २ खेलमा टिममा स्थान बनाउन सकेनन् । यो जितपछि पीएसजीले २ खेलमा ६ अंक बनाएको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्