मधुबालाको बायोपिक बन्दै, करिना कपूर खान मधुबाला बन्ने चर्चा

असार २९, २०७५ शुक्रबार १४:२६:४५ | उज्यालो सहकर्मी

बलिउडमा एक जमानाकी चर्चित तथा सुन्दर अभिनेत्री मधुबालाको जीवनीमा आधारित फिल्म बन्ने भएको छ ।

सुन्दरताको कारण बलिउडकी मेरिलिन मुन्राे नामले समेत चर्चित अभिनेत्री मधुबालाको जीवनीमा आधारित फिल्म बनाउने कुराको घोषणा मधुबालाकी कान्छी बहिनी मधुर भूषणले केही समय अघि नै गरीसकेकी थिइन् ।

खबरहरुका अनुसार अहिले यस फिल्मको कास्टिङको काम सुरु गरिसकिएको छ ।

बायोपिकमा मधुबालाको चरित्र निर्वाह गर्नका लागि अभिनेत्री करिना कपूर खानलाई प्रस्ताव राखिएको खबरहरु आएका छन् ।

फिल्म निर्माताहरुको नजरमा मधुबालाको भूमिकाको लागि अभिनेत्री करीना कपूर खान पहिलो रोजाईमा छिन् ।

निर्माताहरुलाई यस बायोपिकमा मधुबालाको भूमिकालाई करीनाले नै न्याय गर्न सक्छिन् भन्ने लागेकाले उनी पहिलो रोजाइमा परेकी हुन् ।

तर करिनाको तर्फबाट यस विषयमा अहिलेसम्म कुनै पनि आधिकारिक जानकारी भने आएको छैन । बायोपिकको कुरा गर्दा अहिलेसम्म अभिनेत्री करीनाले कुनै पनि बायोपिकमा काम गरेकी छैनन् ।

यदि मधुबालाको यस बायोपिकमा करीनाले साइन गरेमा यो उनको पहिलो बायोपिक हुनेछ । करीनाले लामो समयको अन्तराल पछि फिल्म ‘वीरे दी वेडीङ’ मार्फत कमब्याक गरेकी थिइन् ।

जुन फिल्मले बक्स अफिसमा राम्रो व्यापार गरेको थियो । यो फिल्म पछि करीनाले करण जोहरको अर्को फिल्ममा काम गर्ने पक्का भएको छ ।

यस फिल्ममा करिना कपूर खान अभिनेता अक्षय कुमारको जोडीको रुपमा देखिने छिन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्