गौहत्या प्रकरण : पक्राउ परेका १६ जना धरौटी बुझाएर छुटे

असोज १०, २०७६ शुक्रबार १७:४१:४५ | मुना हमाल

सुर्खेत – सुर्खेत गौहत्या प्रकरणमा पक्राउ परेका व्यक्तिहरु धरौटीमा रिहा भएका छन् ।

शुक्रबार जिल्ला अदालत सुर्खेतले गौहत्या प्रकरणमा संलग्न रहेको आरोपमा पक्राउ परेका १६ जनालाई धौरटीमा छोड्न आदेश दिएको हो । गएको भदौ १३ गते नेपालगञ्जको कान्जी हाउसबाट दैलेख लैजाने भनेर ल्याइएका २९१ गाईगोरु वीरेन्द्रनगर नगरपालिकाको कट्कुवा र बिउरेनीको जंगलमा अलपत्र अवस्थमा छोडिएका थिए भने ३९ वटा गाइगोरु मृत्त भेटिएका थिए ।

जिल्ला न्यायाधीश डा. राजेन्द्रकुमार आचार्यको एकल इजलासले उनीहरलाई धरौटीमा छोड्न आदेश दिएको अदालतका श्रेष्तेदार भुपाल भण्डारीले जानकारी दिनुभयो । श्रेष्तेदार भण्डारीका अनुसार नेपालगञ्ज उपमहानगरपालिका नगर प्रहरी इन्चार्ज सूर्यबहादुर बोगटी चार लाख ५० हजार धरौटी बुझाएर छुटेका छन् ।

यस्तै प्रहरी सहायक निरीक्षक विकास गौतम दुई लाख ५० हजार, प्रहरी जवान सुवर्ण तारामी मगर, प्रहरी जवान सुशान्त शाही, कमल बयक र प्रहरी जवान चन्द्रबहादुर राना दुई÷ लाखमा छुटेका छन् । चितवन क्यारियर टान्सपोर्टका सञ्चालक सन्तृप्त श्रेष्ठ तीन लाख ५० हजार, कान्जी हाउसका सहयोगी धर्मेन्द्र नेपाली एक लाख ५० हजार तिरेर तारेखमा छुटेका हुन् ।

यस्तै ट्रकका चालक दामोदर केसी, हिमबहादुर जिसी, शत्रुघन चौधरी र सागर विश्वकर्मा र विवेक कुवँर एक/एक लाख धरौटी बुझाएर छुटेका छन् । अदालतले ट्रकका सहचालक कृष्णबहादुर बिसी र अमृत चोधरी साधारण तारेखमा छुटेको श्रेष्तेदार भण्डारीले जानकारी दिनुभयो । प्रहरीले गौहत्या प्रकरणमा १८ जनाविरुद्ध मुद्धा चलाएको थियो । गौहत्या प्रकरणमा संलग्न रहेका दुई जना कान्जी हाउसका पवन कन्जोनिया र राकेश भारती भने फरार छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्