त्रिकोणात्मक टी-२० सिरिज : सिंगापुरविरुद्धको खेल जित्नै पर्ने दबाबमा नेपाल

असोज १५, २०७६ बुधबार १३:५८:२ | रासस

काठमाण्डौ – सिंगापुरमा जारी त्रिकोणात्मक टी–ट्वेन्टी क्रिकेट सिरिजअन्तर्गत आफ्नो अन्तिम खेलमा नेपालले बुधबार साँझ घरेलु टोली सिंगापुरसँग खेल्दैछ ।

सिंगापुरस्थित इण्डियन एसोसिएशनको मैदानमा हुने खेलमा नेपालले जित हासिल गर्ने उद्देश्यका साथ सिंगापुरविरुद्ध मैदानमा उत्रँदैछ । खेल नेपाली समयानुसार साँझ ५ः१५ बजे हुनेछ । यस प्रतियोगिताको उपाधि जित्नका लागि नेपाललाई बुधबारको खेल जित्नैपर्ने दबाब छ ।

त्यसकारण पनि बुधबारको खेल नेपालको लागि निकै महत्वपूर्ण रहेको छ । यता, सिंगापुर नेपालसँग पहिलो खेलमा बेहोरेको हारको बदला लिन चाहन्छ । यस सिरिजअन्तर्गत यसअघि सम्पन्न पहिलो खेलमा नेपाल जिम्बाब्वेसँग पाँच विकेटले पराजित भएको थियो । दोस्रो खेलमा नेपालले उत्कृष्ट पुनरागमन गर्दै सिंगापुरलाई नौ विकेटले पराजित गरेको थियो । त्यसैगरी तेस्रो खेलमा नेपाल जिम्बाब्वेसँग ४० रनले पराजित भयो ।

त्यस्तै सिरिजको दोस्रो खेलमा सिंगापुरले जिम्बाब्वेलाई पराजित गरेको थियो । नेपाल अङ्क तालिकाको दोस्रो स्थानमा छ । यसअघि तीन खेल खेलेको नेपालको दुई अङ्क छ । त्यस्तै शीर्ष चार अङ्क जोडेको जिम्बाब्वे शीर्ष स्थानमा छ ।

आयोजक सिंगापुर दुई खेलमा दुई अङ्क जोडेर तेस्रो स्थानमा छ । सिंगापुरले अन्तिम खेल भोलि जिम्बाब्वेसँग खेल्नेछ । डबल राउन्ड रोबिनका आधारमा खेलाइएको यस सिरिजको शीर्ष टोलीले उपाधि जित्नेछ ।

नेपाली टोली सिंगापुरबाटै सिधै ओमान जानेछ । ओमानमा यही असोज १८ देखि २३ गतेसम्म चल्ने टी-ट्वेन्टी सिरिजका लागि नेपाली टोली त्यसतर्फ जानेछन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्