कालिका म्युजिक अवार्डको मनोनयन सार्वजनिक

असोज २४, २०७६ शुक्रबार २०:३७:१३ | उज्यालो सहकर्मी

चितवन - मोफसलको सबैभन्दा ठूलो सांगीतिक उत्सव कालिका म्युजिक अवार्डको पन्ध्रौ संस्करण अन्तरगत विभिन्न तीस विधाका गीत रचनाहरु सार्वजनिक गरिएको छ ।

कालिका मिडियाको सत्राैँ वार्षिकोत्सवको अवसरमा प्रदान गरिने म्युजिक अवार्डका लागि सर्वोत्कृष्ट आधुनिक गीत गायन, आधुनिक संगीत, आधुनिक गीत रचना, सर्वोत्कृष्ट नेपाली चलचित्र गायन, नेपाली चलचित्र संगीतकार, नेपाली चलचित्र गीतकार, सर्वोत्कृष्ट नेपाली पप गीत गायन, सर्वोत्कृष्ट पप संगीत, सर्वोत्कृष्ट पप गीत रचना र सर्वोत्कृष्ट पप ब्याण्ड विधातर्फका गीतहरु सार्वजनिक गरिएका हुन् ।

यसैगरी सर्वोत्कृष्ट नेपाली लोक दोहोरी गायन, लोक दोहोरी भाका, लोक दोहोरी शब्द रचना, स्थानिय लोक दोहोरी गायन, सर्वोत्कृष्ट मध्य नेपाल गायन, सर्वोत्कृष्ट संगीत संयोजन, सर्वोत्कृष्ट नव प्रवेशी गायन, वर्षकै सर्वोत्कृष्ट गीत, सर्वोत्कृष्ट युगल गीत, सर्वोत्कृष्ट गजल, सर्वोत्कृष्ट राष्ट्रिय गीत, सर्वोत्कृष्ट भिडियो सम्पादन, सर्वोत्कृष्ट भिडियो निर्देशन, सर्वोत्कृष्ट सिनेम्याटोग्राफर र सर्वोत्कृष्ट भिडियो अभिनय तर्फका गीतहरु शुक्रबार सार्वजनिक गरिएका हुन् ।

आउँदाे असोज ३० गते बिहीबार नारायणगढको नारायणी कला मन्दिरमा हुने समारोहमा अवार्ड प्रदान गरिने कालिका मिडियाले जनाएको छ । मध्य नेपालकै सर्वोत्कृष्ट रेडियो कालिका एफ एम ९५.२ र कालिका एचडी टिभीले कार्यक्रमको प्रत्यक्ष प्रसारण गर्नेछन् ।

हरेक वर्ष प्रदान गर्दै आएको लाइफटाइम अचिभमेन्ट अवार्डबाट भने यसवर्ष बरिष्ठ चलचित्रकर्मी कवि, गीतकार तथा नेपाल टेलिभिजनका संस्थापक नीरविक्रम शाहलाई सम्मानित गरिनेछ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्