समग्रमा यस्तो रह्यो विश्वकप फुटबल २०१८

असार ३२, २०७५ सोमबार १५:२९:५५ | उज्यालो सहकर्मी

विश्व फुटबलको कुम्भमेला विश्वकप फुटबलको २१औँ संस्करण फ्रान्स च्याम्पियन भएसँगै आइतबार रुसमा सम्पन्न भएको छ । अब चार वर्ष पाँच महिनापछि कतारमा २२औँ संस्करण हुनेछ ।

रोमाञ्चक, प्रतिस्पर्धात्मक र गोलको वर्षा भएको खेलमा क्रोएसियालाई ४–२ ले हराउँदै फ्रान्स दोस्रोपटक च्याम्पियन बन्न सफल भयो । पहिलोपटक फाइनल प्रवेश गरेको क्रोएसियाको विश्वकप जित्ने सपना भने अधुरै बनेको छ ।

यस्तो रह्याे रुस विश्वकप

विश्व फुटबलको महाकुम्भ मेला फिफा विश्वकपलाई रसियाले सफल रुपमा सम्पन्न गरेको छ । अप्रत्यासित र रोमाञ्चक रुपमा भएका खेलहरुले कति समर्थकलाई दुःखका आँसु झार्न बाध्य बनायो भने कतिलाई खुसीका ।

आयोजनाको हिसाबले मात्र होइन तथ्याङकका हिसाबले पनि रसिया विश्वकप निकै रोमाञ्चक बन्यो । एक महिनाको महोत्सवमा कुल ६४ खेल हुँदा १६९ गोल भएका थिए । जसमा पहिलो हाफमा ६५ गोल हुँदा दोस्रो हाफमा १०४ गोल भएका थिए ।

सन् १९६६ पछि फाइनलमा सबैभन्दा धेरै ६ गोल भए । यो विश्वकपमा अतिरिक्त समयमा मात्र ३ गोल भएका थिए । तर तीनै गोलले बलिया टिमलाई घर पठाएको थियो ।

विश्वकपको समूह चरण अन्तर्गत पहिलो चरणमा ३८ गोल भएका थिए भने दोस्रो चरणमा ४७ गोल भएका थिए । र, तेस्रो चरणमा ३७ गोल भए । समूह चरणमा जति पनि गोल भए त्यो ९० मिनेटमा भएका थिए ।

नकआउट चरणमा चार खेल पेनाल्टी सुटआउटमा गएका थिए । यस्तै टाइब्रेकरमा कुल २६ गोल भएका थिए । त्यस्तै खेलमा नियमित समयभित्र पाएको पेनाल्टीमा २२ गोल भए । त्यसमा धेरै पेनाल्टीमा गोल हान्ने खेलाडीमा एन्टोइन ग्रिजमन र ह्यारी केन रहे । दुवैले तीन–तीन गोल गरेका थिए ।

यो विश्वकपमा कुल ७ वटा पेनाल्टी मिस भए । जसमा सबै भन्दा चर्चामा लियोनल मेसी र क्रिस्टियानो रोनाल्डोको रह्यो । यो विश्वकपमा फ्रिकिकबाट ६ गोल भए भने १२ वटा आत्मघाती गोल भए ।

विश्वकपको इतिहासमा १९७८ पछि कम रेड कार्ड दिइयो । यो विश्वकपमा मात्र ४ वटा रेडकार्ड दिइयो । यस्तै २१९ पहेलो कार्ड दिइयो ।

यस विश्वकपमा दुई खेलाडीले ह्याट्रिक पूरा गरे । यो विश्वकपमा ह्याट्रिक गर्ने खेलाडी क्रिस्टियानो रोनाल्डो र ह्यारी केन हुन् । ९ खेलाडीले सब्स्टिच्यूटका रुपमा मैदान छिरेर गोल गरे ।

इंग्ल्याण्डका कप्तान तथा मुख्य स्ट्राइकर ह्यारी केन सर्वाधिक गोलकर्ता बने । उनले ६ गोल गरे । धेरैले अनुमान गरेभन्दा विपरीत क्रोएसिया विश्वकपको फाइनलमा पुग्दा ठूला र दावेदार भनिएका टोलीहरुको विश्वकप सुखद रहेन ।

त्यसैले विश्वकपमा ठूला टिम र साना टिम भनेर जुन अन्तर राखिने आम भ्रम थियो त्यसलाई आधुनिक फुटबलको पछिल्लो ठूलो प्रतियोगिताले पूर्ण रुपमा भनेर जुन बुझाइ थियो त्यो पूर्ण रुपमा निराकरण गरेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्