फ्रान्सले विश्वकप त जित्यो तर जिरुडको एउटै शट टार्गेटमा रहेन

असार ३२, २०७५ सोमबार १७:८:३७ | उज्यालो सहकर्मी

प्रतियोगिता जितिसकेपछि खेलाडीको कमजोरी केलाउनु निरर्थक हुन्छ । सायद फ्रान्स फुटबल संघ पनि आफ्ना मुख्य स्ट्राइकर ओलिभर जिरुडको विश्वकपमा निराशाजनक प्रदर्शनबारे मौन रहनेछ ।

तर, जिरुड आफैले चाहिँ विश्वकपमा आफ्नो प्रदर्शनको समीक्षा गर्नेछन् । एन्टोइन ग्रिजम्यान, केलियन एम्बाप्पे र पाउल पोग्बा चम्किएपछि विश्वकप फ्रान्सले जित्यो ।

फ्रान्सेली प्रशिक्षक डिडियर डेसच्याम्पले विश्वकपका सबैजसो खेलमा ४–२–३–१ को फर्मेसनमा टोली मैदानमा उतारेका थिए । ओलिभर जिरुड सबैभन्दा अगाडि थिए र स्वभाविक रुपमा गोल गर्ने जिम्मेबारी उनकै थियो ।

तर, विश्वकपमा उनले एक गोल पनि गरेनन् । विश्वकपमा आफ्नो पोजिसनलाई न्याय गर्न नसक्ने फ्रान्सका एकमात्र खेलाडी हुन् जिरुड । एकपछि अर्को खेलमा खारिएको फ्रान्सका लागि हरेक पोजिसनमा उत्कृष्ट देखिएको फ्रान्सका लागि जिरुडको कमजोरीलाई एम्बाप्पे, ग्रिजम्यानहरुले कभर गरे ।

विश्वकपका ७ खेलमा १३ वटा शट प्रहार गरे पनि कुनै शटले विपक्षी गोलकिपरलाई समस्यामा पारेन । जिरुडले कुल ५६४ मिनेट मैदानमा बिताएका थिए । तर, एउटा पनि शट टार्गेटमा हान्न सकेनन् ।

यद्यपि बेल्जियमविरुद्धको सेमिफाइनल खेलमा फ्रान्स १–० गोलले विजयी हुँदा उनकै कर्नर प्रहारलाई स्याम्युअल उम्टिटीले सदुपयोग गरेका थिए । त्यसबाहेक उनको असिस्ट पनि यस विश्वकपमा देखिएन ।

तर, पनि उनले अग्रपंक्तिमा रहेर ग्रिजम्यान र एमबाप्पेलाई सहयोग भने राम्रो गरेका थिए ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्